121001今年夏季收爐泳

今日係十一國慶假期, 又係中秋翌日, 即農曆十六, 媽咪睇過天氣預告, 有一股南下東北季侯風來, 有成 4 -5 級風, 加埋今早10:07潮漲, 浪湧一定比平時大, 秋意雖好, 我仍想多玩一次水水



好出發, 入來游人唔多喎, 跑都好暢順....

而且今早氣溫得 24 度, 有雲擋, 唔錯...

昨日媽咪睇新聞, 大嶼山貝澳露營區俾大陸自由行淪陷, 我地坐村巴入來時, 司機督督都話昨日車成一團20幾人廣西露營客入來, 見沙灘係紮左好多帳幕, 外藉人居多, 又好有秩序喎....


咁大浪, 我好驚呀....

嘩, 企在灘邊, 浪湧入來, 走喇....

仲未到10點, 海水未漲滿, 可以行去小河邊玩....


除左人, 仲有幾隻狗地來露營添....

今日涼涼地, 落水試水溫先....

浸落水, 又唔太凍喎...

但未漲潮, 河口位有好大片淺水, 跑到濺水花最正....


水淺游唔到, 咪跑 lor.

大細媽, 我覺得有水湧入, 我怕怕, 來救我...

唉, 無人理睬我, 惟有靠自己游過對岸...


媽咪 : 你游過對岸, 仲上埋岩壁上, 咪又係要細媽走來救你

細媽 : 救完洛B, 佢又自己跑左去玩

呢家外藉人士, 見大浪, 又收拾細軟, 坐自家快艇走, 海出邊好大浪, 唔知又去邊呢...


細媽話, 我一上水就變震震狗, 不如跑步熱身...

喪跑沙灘係我至愛....


秋來了, 相信唔可以再游水, 即係少左機會跑沙灘....

咁我要爭取跑多幾轉....


今日都有人來滑浪...

我都要撲下浪...

下次再落水, 可能會係下年夏季...

唔跑, 坐定定又凍...

咦, 落水又暖D喎....


想唔到, 浸在水, 仲暖過離開水....

但浸水唔爽, 都係喪跑先夠蜴快...

我唔鍾意跑草地, 但一跑沙, 一定跑到四腳離地ga...


可能昨日行過山, 玩唔夠一個鐘, 我已經唔想玩....
大細媽都係拎返背包回程喎....


上星期的膠粒仍是遍佈全沙灘, 數量少了, 相信係潮汐漲退, 把部份膠粒帶到別處, 媽咪上星期已經打左去 1823, 原來大浪西沙灘屬漁護署管轄, 但一星期了, 仍未安排到人來處理, 沖走的膠粒, 又不知沖往那裡, 唉, 遺害深遠 

我地行去另一邊沙灘, 地理原因, 大浪更勁....




同樣紮了好多帳幕....

假期加上天氣好, 露營友加行山人特別多....紮營大隊仲陸續來....


我地回程上山, 不停見一大隊又一大隊露營客同行山人迎面而來, 我成日要左閃右避, 仲迫過旺角, 真係驚驚...

如無突發變改, 今日係本年泳季收爐日, 唔會再見我每星期都係去大浪西喇
媽咪話會諗諗行山大計, 當然仲要就我同婆婆體力, 我地都會量力而為o既