120930初秋試行

入秋, 有點秋意, 媽咪雙腳開始蠢蠢欲動, 睇埋天氣預告, 呢個假期, 試下開始半日短程行



想來想去, 第一波就由馬鞍山燒烤場起步, 初段綞村屋,有陀地狗, 細媽一定攬實我行一段

為怕中午還會高溫, 我地 8 : 40am就起步....


上到呢個最後停車坪, 太陽照來都唔係太猛烈....

上昂坪一段, 都係石級, 太耐無行山, 我地都係慢慢上....


行下休息下, 唔會太急, 太趕就攰屎婆婆呀....

到涼亭, 我地當然唔上大金鐘, 等練返腳力再上...

媽咪好鍾意呢帶....

除左有我小時將牛屎當波波趣事外....


仲有呢片相思樹林, 係我未出世時, 大細媽及婆婆跟埋大姨媽一家來此植樹, 樹木都有成10年了....

今日來到昂坪, 山下一片煙霞, 加上有雲層擋了陽光, 唔太曬....

今日吹北至東北風, 真係好舒服.....

所以, 我唔會浪費呢片草地, 要跑跑跑.....

再來.....

跑完, 腳仔軟晒....

到馬鞍山郊遊徑同麥徑交接位, 仲未夠 10點半, 我都知媽咪想行遠點, 唔直落大水井....


於是自己走入蔭涼位等媽咪來....

時間仲早, 陽光照來, 我都仲OK....

我係開心, 脷仔長, 唔係熱....

一路行, 細媽都有灑水在我背部降溫, 又摸我耳仔, 唔太熱, 仲有點點涼ga....

半個鐘又到五聯達, 想唔到今日竟然無乜大隊行山隊伍...


又到交叉口, 去大水坑定大水井好呢....

我當然揀去大水井, 可以去姐姐度食沙律....

途中, 我見一條小河, 自己不顧一切, 就落水玩, 大細媽大叫我都唔理佢地....


行過一次去北港, 路程短, 多村狗, 又要細媽抱著行一大段出村口馬路, 我地都唔會再行....

大水井咪好行lor...


一級一級石砌路, 唔難行...

風景又靚....

婆婆都應付到....

真係值得常常來....


我聽到細媽個五臟廟打鼓, 加快腳步先.... 


嘻嘻, 未到12 點就行完, 全家好滿意今日行程....

到姐姐度, 姐姐好醒目, 為怕我又催促, 佢好快先送上蟹子沙律, 面前三碟係我洛B份量, 婆婆就已經食緊佢果份喇, 我食唔晒先會分俾大細媽ga