121023重陽逆走上窰郊遊徑

今日重陽節宜登高, 但媽咪話我地仲未練好腳力, 唔好攀高山, 而且天氣仲係熱, 所以今日選擇條短線, 其實係媽咪體力差就真



我地由西貢市直接坐車來到萬宜水塘元五墳....


呢度係上窰郊遊徑終點, 我地準備逆行...

話係郊遊徑咋, 其實無難度, 出發喇....


上落不大....


婆婆拎埋行山手杖, 應付綽綽有餘....

原來逆行, 太陽剛好照在背後, 就唔怕燦住眼睛來行....


沿途有樹蔭, 好適合現在季節....


坐在呢張石屎櫈, 可以望向滘西洲....

藍天綠樹, 無煙霞更好...

到曝罟灣營地...

無人來露營ge....

繼續行程, 全段路間中有石級, 但唔算多...

樹蔭位就仲多...

因為要影相, 媽咪每次到開揚位就影....

今早都有點熱, 我見有小河, 好開心, 行落去玩, 但細媽知我驚太深水, 又話要扶我一把, 其實我幾驚佢推我出去深水位ga


基本上, 大部份路段都係大碎石, 婆婆, 你要小心, 唔好踩到石頭呀....

轉到呢個山谷位, 就見到曝罟灣個基圍...

可惜我太矮, 比較難一齊影到....

我行遠D, 視線o岩, 但我又變左細少...

其實我最愛在樹蔭下影相, 因為眼仔係最大時...


陽光下的我, 又另一模樣....


不經不覺行完全程....

都未夠 11點半, 不如去埋起子灣啦....

兩年前的中秋節, 我血染起子灣後, 細媽話唔再來...

但紅樹林咁靚, 唔來好浪費...

我今日好乖, 只係企係石上....


唔周圍走, 咪唔怕俾蠔殼傷o羅....

石橋, 下次再見....

我地無來過起子灣村, 因為媽咪同事曾經在黃昏行完山經過, 遇見靈異事, 但現在係中午, 唔怕卦....

我地靠岸行去碼頭, 無上曝罟灣果邊....

個海灣好靚呀....

快到 12 點, 返轉頭了....

上窰文物館....


對出的小碼頭, 我每次都來ga....

我地沿北潭涌自然教育徑出返去龍坑復興橋....


媽咪打電話問左老闆娘, 佢地今日有開舖呀, 我知姐姐一定會準備定青瓜沙律俾我, 我好肚餓,  行快D先