121028大水坑經昂坪下大水井

昨日行左半日, 今日行半日


好耐無上梅子林村, 我一支箭由大水坑上.....當然中途要停留等婆婆啦...

今次來到子林村, 村民已經用鐵絲網圍起來, 標誌 : 私人重地, 閒人免進...
唔可以直入村, 但村外圍有條小徑, 可以通往西貢及沙田黃泥頭...


第一次咁行, 原來左邊有小河, 聽講有好多珍貴生命活在河中...

上次整片草地掘爛晒, 今日又長滿青草...
仲見有村屋在興建中...

小徑接返入梅北古道, 我身後泥路去沙田...


初初怕入到古道, 會係濕地, 原來唔算濕....

而且太陽照在另一邊....

有樹蔭, 行得好舒服...

仲有婆婆有手仗, 凹凸不平的石砌路都變了易行...

其實茅坪舊村會唔會改建呢....


因為我地經過時, 左邊有地方已經掘晒, 無樹, 隱約時有建築物, 媽咪無去八卦....

但我地見有漁護署叔叔巡邏, 有違規都應該俾佢地發現, 佢地一見我影相, 停低等我影完相先行下來...


途中見一隻積羅素係咁跟我, 我吠爆佢先行開咋....

入冬前, 螞蟻忙於儲糧, 今次係一大條死蚯蚓...


咦, 今日五聯達多左人... 

10 點半咋, 咁快落大水井, 唔係卦...
天陰陰, 行麥徑都唔會曬屎...


所以媽咪決定上昂坪玩一陣, 再經馬鞍山郊遊徑落大水井...

今日無咁多人, 厚雲又突然破了個洞...


見藍天了...

大風吹中....

幸好又唔算太曬, 我 OK ga....

事關一入麥徑, 季候風吹來...


風吹到, 芒草揚...

只係 11 點 4 , 姐姐應該剛開舖, 玩埋昂坪, 時間o岩o岩好...


嘩, 好舒服呢....

在高原喪跑好正 ga....

再 encore...

行去觀景台, 呢個位剛好迎上東北風....

好大風...


吹到頭髮亂晒...

留左 10 多分鐘, 都夠了, 要落山喇...


走 lu....

婆婆, 呢段路多大石級, 慢慢呀, 我地大把時間...

一路落大石級, 我一步一步跳落, 都要休息下ga...

行極都未完...


我地慢步行, 官方話落來要半小時, 我地花了一小時

媽咪話今次唔坐車, 直接由菠蘿輋北港凹路落, 見分叉位, 見新景台直去...


由郊遊徑終點來到西貢公路都係半個鐘, 比在菠蘿輋等車仲快, 下次都係咁行方便呀...