2012年10月14日

121014黃泥頭往大水井

一早去行商場咩


原來真係行山, 今次又係半日行程, 就係由黃泥頭起步....











我地上石芽背行黃牛古道呀, 仲睇下芒草開花未...


今日無風, 好彩剛好在山背, 無太陽照射, 但一路石級上, 除我之外, 全家汗流浹背.... 



我仲OK ga...



只要唔係頭頂有太陽曬就絕對無問題...



媽咪今日終於記得帶埋行山仗俾婆婆用....



雖然好天, 但風只有2-3級, 煙霞吹唔走...






見到有芒草, 唔知係咪最盛開時...



接入麥徑, 又係黃牛古道...



上左咁高山路, 行古道特別舒服...





每次行呢度, 都係旺似旺角...



暫時仲未見人潮....



照相仲可以俾媽咪慢慢睇角度...



我地行過麥徑 4 段, 從來未試過行去大老山基維爾營地果邊, 佢話今個秋冬會一試...


幾驚今日會猛烈陽光, 好彩間中有雲擋...




行山人士越來越多, 兩邊都有人行, 我地行得慢, 一定讓路...


見芒草喇....



在打瀉油坳, 芒草仲未係盛開, 有點失望....



前兩年來時, 全個山頭都係紅芒草隨風飄揚, 好靚ga...


媽咪決定左, 遲些又來過, 繼續行程去茅坪...






又要落山啦, 婆婆唔駛急...






沿途我同細媽帶頭, 媽咪會殿後等婆婆...


真係好多行山大隊, 有些仲似來練跑, 似為毅行者作準備....






今日有行山仗, 婆婆話行得穩陣好多呀....







可能我戴左太陽帽, 今日分別有兩位姐姐認到我, 有個仲係上星期行西灣山時遇到, 真巧合...


12點先到茅坪五聯達, 本來今日未夠 8 點半就起步, 細媽話大媽成日同行山D叔叔姨姨傾偈, 先拖慢行程
媽咪 : 咁見D叔叔姨姨咁大年紀行山, 傾下偈, 交流下o者, 反正都要等婆婆



唔好長氣, 大家都肚餓, 快D行去大水井...






我地見北港一帶都挖爛晒, 相信係起屋, 以後更加唔會行梅北古道落北港...



煙霞散左好多, 未正式好涼, 全山仍是翠綠, 媽咪最鍾意...



呢段少樹蔭ga...



途中經一個迷你水霸, 我忍左成日, 忍唔住跳落水玩....


媽咪, 我知今日會沖涼, 玩下水無妨啦, 而且都好快乾返...



o拿, 行完全程到終點, 我都乾晒, 係咪呢....


又過左一個愉快周六日, 下星期得星期日先可以去玩, 唔知媽咪又計劃去邊呢 


5 則留言:

  1. 行山行山行山 !!
    洛洛, 好開心..有得行山
    [版主回覆10/18/2012 13:02:01]PE2 一樣可以行山, Yeah

    回覆刪除
  2. 今日我都有經過打瀉油坳,但已是下午二時半,經三塊田落白沙灣
    [版主回覆10/22/2012 12:47:31]些些
    [膶腸回覆10/18/2012 18:05:48]遲些有相關資料上網
    [版主回覆10/18/2012 13:05:30]我都想試下由三塊田落, 有次我望條路, 似好企, 又多草收縮條路, 唔敢貿然帶婆婆行落山

    回覆刪除
  3. 都仲有啲熱﹖遲啲再涼啲會好行啲、舒服啲
    [版主回覆10/18/2012 13:06:14]我估下星期會好D, 多點秋意

    回覆刪除
  4. 洛洛你真係好叻, 我就算唔帶DR. B都未必行到咁多.
    [版主回覆10/18/2012 13:06:48]洛洛 : 因為我腳長你少少咋

    回覆刪除
  5. ★珍妮 & 毛毛★2012年10月15日 下午1:44:00

    好開心呀, 秋秋地去行山, 爽
    [版主回覆10/18/2012 13:07:26]毛毛, 你唔好跳, 唔好多行, 快快好, 就可以快快出動

    回覆刪除