121027洛在山頂公園

昨日有雨, 又預告今日有雨, 媽咪諗都係行下石屎路算, 想起上星期睇雜誌, 我地 09年4月4日兒童節上過山頂公園, 都 3年幾了, 今日一於上去玩下.... 

有季候風到, 山頂廣場超大風, 好彩唔係凍...

呢條路頭段最唔好係有車, 要拖繩....

究竟幾時先可以放繩自由行呀....

終於到山頂公園更亭...

呢度, 我成個開心晒....


經過第一個大草地, 我見幾隻大狗地在玩, 大細媽怕我吠爆嚇親狗出意外, 話唔落去呀...

但我見佢地玩得咁開心, 真係想落下呀....


又到第二個草地, 無其他狗, 我霸晒....

再上高一層, 呢度有幾多狗地...

先打下招呼先....


好野, 我地成班團團轉...

佢地好熱情...

玩左一輪, 佢地影大合照, 我地唔打擾人家....


我地又去再高高玩...

有點風, 我跑得更飄逸....

又再上高點....

呢處係山頂公園最高位....獅子亭

天氣差點, 望遠處南丫島很濛朧...

多煙霞, 惟有用坐標來認清地方....

我地行返轉落去大草地先, 唔知大狗走未呢...

獅子亭旁有條同樂徑, 但我想落去大草地玩先...

大狗走了, 大細媽安心俾我四處跑...

雖然唔係沙灘, 又幾好跑喎...

玩到差不多時間, 媽咪話要落山, 我地行返去守護更亭旁, 有個同樂徑指示牌....




我地沿同樂徑落返去盧吉道...

成條徑好好行ga....

到呢個位有分叉位....


轉上去即上返山頂獅子亭...

我地往下走先可以到盧吉道....

石級落, 唔難ga...


接返大路了....

我地都係順時針走...

呢棵橡樹氣根快生到落地...

又會有人呁好耐性, 幫氣根紮辮...


高山上, 空氣好, 踏步上, 精神好...

百年石屎櫈..

又返到山頂廣場喇...

雖然話就話呢度 welcome 狗狗, 但在露天食肆仍然要在袋中或坐地上, 我地都係隨便食點包, 留返回家附近先食...


兩點多仲好風ge....

咁早, 行落少少走轉先...

纜車亭, 成日聽到鋼纜拉動, 仲覺危險...


我地轉另一段路上返去廣場..

時間快到 3點, 都係坐車回家食個早晚餐, 再諗下明天去邊好, 但最緊要無雨, 咁去邊都無問題o勒