121002半遊麻南笏半島

今日係假期最後一日, 媽咪話安排一條超短線 - 麻南笏半島



我地在白沙灣坐街渡...

雖然呢幾日都係玩半日, 但我已經覺攰了, 唔通中佬係咁...


唔夠 15 分鐘, 就見三星灣....

三星灣泳灘係康文署管轄, 唔俾我地狗地入ga....

我地沿沙灘後經燒烤場小徑落另一邊沙灘, 媽咪見都屬康文署管轄ga....


我地都見有外藉人土由山路帶狗地來玩水, 可能無人投訴, 救生員哥哥都無埋會.

我昨日都游完水, 今日僅係行山啦, 燒烤場後, 就有山路返出去西貢蕉坑...


只係頭一小段係石級, 其實都係泥徑...

雖然路較窄, 但好明顯同開揚...


仲可以望到白沙灣一帶添....

今日比昨日陽光多了...


但條路好好行...

間中又入樹蔭底下....

嘩, 果邊又有樹蔭, 落斜路, 衝呀.....
媽咪 : 洛B, 媽咪就快見你唔到呀....

嘻嘻, 斜路剎唔切制


呢個位, 可以行去麻南笏同白馬咀... 

我地09年1月31日, 同大姨媽佢地由呢度行過去大岩口白馬咀, 但今日唔打算行, 時間尚早, 一於去麻南笏村睇下啦...


呢邊入村, 全段用石板砌ga...

一大片草地, 望落好舒服...

仲見紅樹林添....

入村途中, 我地見到一個木制小碼頭, 一於行出去八下...

八完又去另一個碼頭....

我身後係三星灣, 原來三星灣街渡都會載客來麻南笏村ga....


本來想再行入D, 但有隻村狗一路在村內望實我, 佢樣好友善,但細媽怕, 我地惟有掉頭回程....  

回程去蕉坑喇....

一路行, 又見分叉位, 直去係去白沙灣遊艇會, 我地每次由獅子會, 都係經呢處入來, 再行上石級去蕉坑..


一路又泥級....

好彩唔係好長斜路....

呢段路, 我地行過好多次...

媽咪 : 洛B, 唔好又走咁快啦.....


驚乜呢, 我會在樹蔭下等你地ga....

到祿善亭小休, 好快就到獅子會....

見路牌, 我地今次帶婆婆行去獅子會, 佢無行過ga...

第二次行, 我已經熟環境, 唔驚了...


入蕉坑教育徑喇...

婆婆, 係咪好易行呢....

細媽話肚餓, 我地靠左邊近車路的教育徑行..


咦, 地方好熟喎...

原來到左獅子會啦...

因為今日加插行埋麻南笏村, 我地唔留在獅子會玩, 要快快去姐姐度醫肚喎...

媽咪 : 經過三日假期, 第一日只係洗下腳, 抹下身, 昨日就有山水淋浴, 回家洗下腳, 今日終於玩夠, 你要洗白白喇
洛B : 我可以剩係洗腳就夠ga
細媽 : 你就想, 今日仲要踩落泥漿度, 變左著泥漿鞋, 你同我瞓, 我唔要同泥鴨瞓ha