120324獨自去叫鴨

因為天氣及就時間, 叫鴨團好耐無成團, 大細媽話今星期唔去叫鴨, 怕清明節前又濕又雨, 一於獨自去叫鴨



本來今次有諗過由分水凹落谷埔, 去另一間食私房菜, 但路程太短, 唔想錯過今日好天, 一於烏蛟騰郊遊徑起步

唔由九擔租入, 行下新路, 新意思, 起步一路石級, 唔太難...

昨晚都落過雨, 鹿頸一帶都比較潮濕, 但行落OK 喎, 起碼我無難泥鴨...


同郊遊徑分手, 轉入荔枝窩方向...

呢段路, 我行過幾次ga....


有樹蔭, 有落葉, 都幾舒服...

洛婆婆 : 點解唔叫亞婆笏o既


婆婆, 咁呢度叫亞媽笏, 你咁問, 我都唔識點答....

其實今日有些路段有小水氹, 每次經過, 我會靠邊行或者大細媽抱起我過ga...


到直昇機坪, 即係到高位....

有陽光, 又唔算太曬....

到分水凹, 都係行左一個鐘多點, 如果直落谷埔, 真係太快完成行程...


媽咪決定英明, 一於落去荔枝窩行大圈....

每次落來, 仲會想起第一次大姨媽帶我地行的狼狽情況...

其實行山, 我每次都周圍八....

只係媽咪話影相, 我先合作擺 pose 咋....

到分叉位, 媽咪想試下行去梅子林, 但細媽有點驚, 因為佢未見過有人行, 但媽咪睇過地圖, 路線明顯, 行下新路都好ga..


轉入來時, 有水氹, 細媽怕爛路....

原來條路好好行, 係石砌路, 又有樹蔭....


慢斜路落, 比行開落荔枝窩風水林更好行....

路標清楚, 但又好明顯唔係大圍人愛行路段, 少人行lor....


荒廢了的客家梅子林村....

古舊客家建築, 好特別....

附近仲有好多風水樹.....

樹幹好大, 起碼要三人起圍起....


好特別 Z 型路...


可惜相機唔夠闊, 影唔到效果...

好多參天大樹, 好多大大棵荔枝樹添.....


嘩.....大到影唔晒全棵.....

離開梅子林, 全段都係水泥小徑, 輕鬆行....

見地圖係有條橋ga.....

一上橋, 遠望就認到荔枝窩.....


原來呢邊行來, 接返西樓

每次來, 都好少行來望下兩台炮台....


因為多陀地狗, 佢地對人友善, 對我就.....

唔知自然步道的白花魚滕, 可以幾時回復以往美態呢....


再見荔枝窩, 入秋再來喇.....

轉入印塘洲一帶...

有風, 有陽光, 有靚景....

有大細媽錫, 有山行, 狗生不枉過....


成12點半, 快步行去三椏村....

因為要醫媽咪佢地五臟廟....


嘩.....人聲好勁.....


好彩都有位.....

只得三個女子, 唔可以多點餸菜.....
話左獨自來叫鴨, 必叫三杯鴨, 美味無加粉的雞蛋煎蠔餅, 必食芋頭炆南瓜....
諗住人少, 叫左三杯凍咸柑桔蜜, 點知送來時, 嚇左一大跳.....
好似變左旺角超級大大杯台式飲品, 但仍見有成寸高蜜糖....
密封杯, shake shake shake, 搖均晒....味道一樣如昔咁好味....

食左一個鐘, 三個女子飽到上心口.....


未夠兩點, 揀下路沿三椏涌回鳥蛟騰...

另外一家食店都聽到好多人聲, 今日行山好旺呀.....

好天下, 印塘洲一帶, 望極不厭.....

真好鍾意三椏涌一帶....

下路呢一邊, 比今早亞媽笏一段更乾爽....

可能下午陽光當頭, 氣溫上升了, 但沿路間有樹蔭, 我今日行得都唔辛苦....


突然路旁有一大棵野生紅杜鵑花....

全棵花好鮮艷燦爛....


大岩石, 流水淙淙, 小休好地方..... 

到梅花椿, 即快完成行程....

行經九擔租, 又見盛開的白花油麻藤(禾雀花)...

粗壯滕莖, 掛滿了花朵.....

4 點3 回到烏蛟騰, 輕鬆 7 個鐘, 又行又玩又食, 好滿足.....
都係時候回家, 當然, 返家前, 又去食埋$103 套餐先回家啦