120304 100巴仙

踏入三月梅雨季節, 天氣乍暖, 杜鵑花盛開, 但又幾難搵好路行


雖然知偏西會較乾爽, 但上星期日行完深井, 媽咪唔想又重複, 既然預我今日要沖涼, 媽咪話一於又係揀石屎路,
但就向東進發

原來半夜開始, 西貢一帶相對濕度一直係 100%........


我地揀由北潭坳出發, 行全程係水泥路的大浪遠足徑, 你地睇, 幾重霧水, 全地濕漉漉.....


能見度又低.....

行一陣, 連肚仔都濕晒.....

細媽後悔唔同我著雨衣, 但著左都會變泥腳洛, 我一於豁出去....


無陽光直曬, 對我來講就無咁熱, 都幾好o丫

上大浪坳....


濕水洛, 你地都睇慣啦

韓信草...

一路大斜上.....婆婆慢慢上, 唔好急, 但又唔好 hea 住四處八


婆婆 : 無氣喇....唔好催.....

上到今日最高位....大浪坳, 滿佈人聲....


原來有一大隊行山隊, 成 40 - 50人, 準備在濃霧下, 上蚺蛇尖到蚺蛇灣....

我地落山, 仍在濃霧中, 佢地上去, 唔知見唔見到旁邊人....


望天空, 仲係濛濛細雨般, 但其實只係濕水氣咋....

落到平地, 我地當然唔揀下麥徑啦....

突然見蘆兜樹張開手來迎接我地...

細媽, 唔好行咁快, 我想同蘆兜樹叔叔傾幾句先呀......

到鹹田灣, 都係 11點 3 咋....


唔大休, 繼續行....


但落得沙灘, 我一定唔會放過喪跑...

離開沙灘, 上高少少, 都見唔到蚺蛇尖, 唔知剛才果班行山人點呢....


上次來, 好多吊鐘花仲係含苞, 今日絕大部份開了, 但仲有零星花兒....

快接近中午, 濃霧散左好多, 但仲未見太陽破雲而出....

突然媽咪驚見恐龍想破山出來呀....龍頭張口添....

又到大浪西灣....

但今次有小水流出海, 我地怕婆婆誤踏落水, 都係行遠點, 經橋過....

初生之犢, 應該唔夠一個月大....


因為灘中有陀地狗,  又有狗 bb, 媽咪唔想我留太耐, 無落沙灘行....

今日唔留在大浪西灣食午餐, 想早點出返市中心先再打算....

厚雲天下, 上山唔辛苦...


到吹筒坳, 又係勁風吹....如果下星期又係咁天氣就正.....

早兩日有雨, 水塘仲係乾涸, 希望雨季來臨時, 能裝滿塘, 但落雨天, 我又無街去....


最好星期一至三落雨, 留返周末俾我去街街.....

一棵樹, 由下到上唔同色調, 好令令...


今日 9:00AM 起步, 在1:36PM到西灣亭完成行程, 行足 12 公里, 計計數, 時間包括媽咪佢地去左兩次廁所, 停低飲下水小休, 頭尾時間都係 4個半鐘,
原來專心一致行山, 婆婆都可以一樣同常人行咁快  

回家途中, 在家對面公園, 終於見玉蘭開花了...


仲有桂花開, 一路滿香氣, 心情放鬆晒, 相信我今晚又可以甜睡了