120318高溫下的 100 巴仙

昨日向左西, 又咁好天氣, 點都應該曬乾了少少卦, 今日向東行, 估應該無問題卦
所以媽咪諗住輕鬆行半日落回菠蘿輋...



我地每次由馬鞍山燒烤場出發, 途經村屋, 幾隻陀地狗都總係跟實我行一少段, 今日佢地好悠閒, 唔埋我...

望條車路都乾爽, 媽咪又變卦想行麥徑, 行下九曲山落水浪窩....

沿路清新百里香花香味, 心曠神怡


花名待查中...

點知過晒村, 一入小徑......

全條石級路濕漉漉.....

上到昂平高原, 見陽光都係濕泥.....


如果去水浪窩, 一定跣傻婆婆, 惟有按回原來計劃去菠蘿輋....

全條路都係泥漿地, 步步為營, 去到開揚位, 大家都行到傻笑

婆婆, 呢段路平坦好多, 唔怕喇....


媽咪好鍾意來西貢呢帶ga.....

又其係初春, 漫山遍野都係紅紅綠綠, 真令令....


係地睇一棵紅, 一棵黃, 一棵翠綠, 大自然色彩睇唔厭ga....

高原地都係泥漿地, 上來的爛泥路, 大家想像下仲惡劣....

成日話上大金鐘, 到今日都未成行過....

到觀景台....

今日天氣唔差, 起碼能望遠處...

本來媽咪想同婆婆照單人相, 但我都係想做下攝石狗搶鏡....

到分叉位, 如果由郊遊徑直落, 好多位路好斜, 平時都要慢慢行, 咁濕, 一定跣傻...


所以媽咪堅持行去五聯達再轉大水井古道, 路就長了少少, 但一定安全好多.... 

明明呢邊開揚位多, 但水氹一樣多, 我起初本來都盡量避開, 但最後轄出去, 仲踏左幾次水氹, 原來好爽ga


Hi, 你戴眼鏡好型仔呀....
原來佢爸B怕佢俾紫外線傷眼, 幫佢用繩縛好太陽眼鏡保護眼睛....

初初想上九曲山, 係想睇下野生杜鵑花, 好彩呢段都有華麗杜鵑, 雖然唔係在路邊, 但婆婆睇得好開心..

我已變身泥鴨洛了.....

到五聯達, 有幾十人大休剛走, 見到梅子林村的伯伯, 帶左佢六隻寶貝上來, 好彩佢地對我無興趣, 無走來吠我...


石砌古道, 相信唔會又泥濘一片卦....

媽咪決定英明....

今日幾好陽光, 好彩我地早出發, 陽光仲未到最猛烈時...

石龍子都出來曬太陽了...

長春社今日搞環保行, 行晒全段馬鞍山郊遊徑, 我地聽到好多人直落時都跣倒地,
幸好媽咪堅持改道, 否則, 可能我地個個有機跣親呢