呢度話晒有山有水有樹蔭, 仲遠離馬路, 最適合咸尖餅過新生活
媽咪, 呢度唔錯, 有小溪, 咸尖餅可以間中走來浸下身
佢就係咸尖餅喇
早三星期前, 我地去行完天橋回家, 見佢在家樓下的馬路邊跳來跳去, 有車在佢身邊經過, 險象環生
, 媽咪見佢咁危險, 就捉起佢, 想放佢入花叢內, 但又怕佢又跳回路邊, 實有機會變柿餅, 環顧四周又無適合地方, 惟有先帶佢回家
, 等我地有空就同佢物色新家園
咸尖餅, 呢度會有好多你同類, 又多食物, 相信你會住得好開心
其實媽咪好擔心同唔捨得你走, 但始終你生於大自然, 當然要回歸大自然啦
咸尖餅, 珍重呀, 好好享受你新生活
送別咸尖餅後, 我就開始我悠遊走
荷花池終於有盛開荷花, 雖然媽咪只有傻瓜機, 但細媽話將花兒美麗一面照入腦袋更美
細媽又講得o岩喎
但部傻瓜機有樣好處, 就係有成400幾mm, 可以影好遠, 兩隻青蛙可以拉近眼前
今日四周都係泥濘, 預左回家又洗白白, 所以媽咪俾我周圍走
時間差唔多, 雖然只係玩左兩個鐘, 但肚仔餓了, 返去市中心醫肚先
當我地食緊午餐時, 天又黑晒, 仲落起大雨
, 惟有速速回家去
我o依家寫緊 Blog時, 剛才仲行左一個好大雷聲添
唔知咸尖餅o依家呢
, 相信佢會識搵地方躲避咸尖餅, 我地有時間就會來獅子會探你o架喇
咸尖餅 ..點解之前會o係市區o既
回覆刪除[版主回覆07/06/2009 08:51:00]我都唔知點解會在樓下見到佢, 按正佢一定要在濕地生活 ga
呢部傻瓜絕不傻瓜，應該係半專業長炮仔，zoom到咁遠影像都咁實淨，唔覺散，真係好好好好既傻瓜啊！
回覆刪除[版主回覆07/06/2009 08:53:00]D色好差同有藍邊, 又難對焦, 我買左40D後, 更唔想用佢, 佢惟一好處係zoom遠同拍片, 所以近來多數用佢同洛洛拍片
送走左咸尖餅有冇d唔捨得呀?????
回覆刪除[版主回覆07/07/2009 08:41:00]我好唔捨得, 同好擔心佢安危, 但唔捨得都要送佢去一個好環境, 始終佢生於大自然
你點知咸尖餅無毒嘅?????
回覆刪除[版主回覆07/07/2009 08:44:00]因為細媽以前養過好多不同品種青蛙, 都係在金魚街買回來, 其中一隻係佢同類, 仲養到好大隻, 所以細媽一見就叫番佢做咸尖餅
sorry 呀, 咸尖餅好核突呀
回覆刪除[版主回覆07/07/2009 08:44:00]佢好可愛 ga
好心總有好報
回覆刪除