2014年6月22日

140622快閃行

昨晚講定左, 今早再早起身行晨運, 點知整晚雷雨不停, 當然不成行, 昨晚雷聲令我驚到震, 我晨早過媽咪房, 媽咪攬住我, 等我安心瞓返陣覺.
午飯後, 雨仍是綿綿落下, 細媽惟有陪我再瞓.
快兩點半, 媽咪突然拍門, 話雨停, 天光亮了, 於是我地逝速行動, 快閃入小瀝源.

婆婆唔想郁, 留家負責洗菜, 等我地返家時, 由細媽煮麵條當晚餐.

2014年6月21日

140621午後城河行

媽咪知細媽長週, 安排左晨早出去照超聲波.
嘩, 今早場黃雨, 都無住下午有運行.
點知細媽收工, 見出太陽, 為免明日有可能又雷雨影響, 佢話今日帶我同婆婆出去運動下先.
我倆婆孫僅係開心啦.

起步時, 細媽一望, 小瀝源河有一大群魚, 當時都睇唔真係乜品種.

140621又到超聲波

今早 9 點, 又到診所, 例行照超聲波, 一路照, 我一路望, 最後照到脾臟, 我忍唔住問孫醫生, 係咪量緊脾長度, 等佢知我有留意肝臟情況, 佢幫我照完後, 簡單一句 : 無乜問題, 放心喇 

正式報告無咁快到我手, 要先俾許醫生睇先, 孫醫生一句話, 我心鬆晒先呀

2014年6月17日

陳噹噹

可可 : 我係咪好可愛, 竟然咁搶手, 咁多人爭我XD
洛洛 : 係咩 ?  係大姨媽一家知你身世可憐, 佢地又有地方, 話想收留你咋.
可可 : 我知大姨媽家都有一龜仔同一龜女, 我有伴喇 ^^
洛洛 : 我都有一大龜姊同一大龜哥啦, 我都唔輸蝕, 平手 XD

2014年6月15日

140615一號波下的午間行

昨日海貝思入左香港800公里警戒線, 仲掛起一號波.
今早細媽起身見落雨, 無叫醒媽咪, 等佢瞓多陣.
媽咪瞓醒, 見停左雨, 見天陰, 唔想我無左一日假, 又去沙田行下.

12點半喇, 好彩天陰咋, 如果好似昨日咁, 根本無可能停留在露天下.

2014年6月14日

黃可可

今早在城門河行行下時, 神眼細媽又發現有野在水中, 佢大叫, 有龜呀.
媽咪同婆婆立刻望, 原來有一隻小小龜, 在水中掙扎, 拼命想游上岸.
當時, 媽咪同細媽思想搏鬥, 究竟順應大自然, 定係救佢上來呢 ?
因為一定唔係海龜, 好彩潮漲, 河水淡, 但水退就有機會隨水漂出海, 或者在污水中, 生命都難保.
終於媽咪爬出圍攔, 用細媽把雨傘, 打撈佢上來.
當時, 都有人圍觀, 有個阿伯話係鱷龜, 大左會咬人, 點望都唔似啦.

有幾位嬸嬸話唔好放返落水, 實死硬, 叫大細媽有心養就帶返屋企.
媽咪估計小小龜, 應該係山上小溪, 隨河溪水沖了出來, 如果唔埋佢, 俾其他人發現, 唔知有乜後果, 其實都擔心佢安危, 大細媽決定帶佢回家先算.

140614六點半晨操

前兩星期, 我地七點起步, 太陽都已經升了好高, 昨晚媽咪話挑選再早起身.
我當然醒目, 四點多已經輕拍細媽, 佢竟然無反應, 我一於咳兩聲, 嚇到佢即拍拍我肚仔, 要我要瞓過, 好一於俾你地再瞓多陣.
五點喇, 差唔多, 一於咳多聲, 今次終於叫醒細媽, 哈哈.
今日係 5:39 am 日出, 細媽搞下野, 5 點半叫媽咪同婆婆.
我地未夠 6 點出門, 好順利, 太陽剛出了無耐.

6: 20am 落車, 又見呢棵黃花開得更茂盛.

2014年6月8日

140608陰中晴在獅子會

驟晴驟雨, 都唔知點打算, 都係起身先諗.
起身時, 細媽見天氣唔差, 知我愛挖泥, 話去獅子會俾我挖夠.

8 點幾到, 都唔太多遊客, 街坊狗就多些.