210918覆診日

又係定期覆診日, 我地來到, 剛好有個急診, 我地要等陳醫生呀, 上磅 5.5 kgs, 大細媽唔信, 再磅多幾次都係咁. 8 日輕左0.3 kgs, 要問下醫生呀. 我好叻, 全程無震過.

先睇右眼, 無眼白紅了, 一日一次的眼藥水唔駛滴, 而一日三次入雪櫃儲存的眼藥水就可以滴多兩至三日.

細媽話左腮口水腺似收細左同軟身左, 因為佢日日瞓覺都摸我頭仔, 醫生話做手術唔麻煩, 係怕我年紀大, 驚麻醉會有大風險, 再開多兩星期抗生素 (Amoxycillin 250mg), 希望能改善再縮細. 兩星期後返來覆診.

皮膚方面, 建議腳部同屁屁位都要修短呀, 因為怕太焗身同潮濕, 我抵抗力弱, 易受黴菌感染到生厚皮屑同黑色素增生. 要用三條毛沖涼液 (Malaseb Shampoo), 每隔三至四日, 沖一次, 先濕身, 再搽沖涼液, 醃 10多分鐘先沖身.

見完醫生, 我又要留低驗腎上腺了. 醫生話預12:30返來接我.

大細媽準時返到診所, 等左一輪, 哥哥話下一個到我, 大細媽覺怪, 唔通可以見埋醫生, 唔駛傍晚返去.

係真呀, 姐姐抱住我開門, 叫大細媽入診症室.

今次驗血報告, HCT低左, 媽咪話我 8 日就輕左, 晚上唔太願食正餐, 但食肉粒餐當小食就可以, 醫生話可以我吸收力差左, 所以 HCT低左同輕左, 建議少食多餐, 或者改為一日三餐, 盡量等我食多D.

腎上腺保持穩定, 但腎同肝指數都差左, 始終我有咁上下年紀, 醫生講過, 我現在係要優質生活, 開心最緊要. 

回家安頓好, 我食返D雞乾同飲水, 大細媽又車我上加力食邪惡下午茶 XD