210910右眼看醫生

昨晚, 媽咪返來見我右眼俾好多分泌物漿住, 睜唔大眼睛, 馬上用濕紙巾清潔好眼仔, 發現眼白紅腫, 佢好擔心, 馬上打電話去診所預期, 因為陳醫生休息, 吳醫生只在上午應診, 仲剩得兩個時間, 因只有細媽能臨時請到假, 媽咪馬上問細媽, 就今早10:15啦.

我來到診所, 竟然無震呀.

上磅 5.8 KGS

唔駛等太耐, 就到我.

醫生話我係眼結膜炎, 眼角膜無傷, 開兩隻眼藥水滴, 一隻就一日一次, 一隻就一日三次, 呢隻要放雪櫃.

我左腮有腫起左, 今日一併睇, 醫生話可能係口水腺發炎, 先食下抗生素可唔可以好, 早晚一次, 下星期六返來驗腎上腺, 順便問陳醫生點處理.

至於皮膚問題, 醫生話用粉紅藥水浸軟變厚的皮膚, 再慢慢抹.

今晚, 媽咪收工趕返來餵我食藥同滴眼藥水, 再帶婆婆去打埋第二支復必泰.

星期六同日, 全家留家休息.