昨日全家留家休息, 細媽負責全家三餐.
今早食完早餐, 我又呆呆入睡.
今日加力午餐終於輪到有蟹柳冷烏冬, 大細媽好恨食, 三母子在炎熱下又爬上搵食, 我做陪客咋.
你地食啦, 我想繼續瞓.
食完回家途中, 見有幾個人圍住棵矮樹, 大細媽八卦一望, 原來有隻BB雀在地上, 近住大馬路, 周圍望又唔見有雀爸媽, 唔知邊度跌落地. D人只係望同影相, 媽咪馬上上網搵電話, 嘉道理農場無人聽, 接通愛協, 職員話好多案件做緊, 起碼要兩至三個鐘先到, 叫媽咪搵個紙箱裝起BB雀, 佢地遲些來搵. 媽咪話咁好危險, 唔知會唔會跳出來或有人搞, 可唔可以我地先帶返屋企, 再由佢地1來接, 愛協話或者我地可以直接帶去最近的辦事處. 媽咪決定自己帶去, 問細媽有無膠袋, 點知今日因無預我落地, 所以無, 剛好有位女士聽到, 馬上將手上放食物私膠袋俾媽咪.
媽咪好輕易將BB入袋, 馬上坐的士出發.
望真, 應係花了哥BB, 佢雀生第一次坐的士, 車好震呀.
好快就到何文田愛協, 職員登記左媽咪資料後, 就接走BB.
職員話明天會先送去灣仔總部, 由獸醫檢查下身體狀況, 一般野生鳥會轉交嘉道斑農場照顧, 等康復或長大, 便會放生, 但如果係鴿, 就交漁農處處置. 媽咪臨走前, 再幫BB影多張相. BB, 雖然要你同爸媽分離, 但留你在現場係超級危險呀. 希望你健康成長, 能快回大自然.
沒有留言:
張貼留言