210904晨步遇雨真夠運

 今早見天氣可以, 我地齊人入來城河行. 

起步一陣, 車公廟果邊一大片黑灰雲, 仲有雷暴警告, 又見雨點, 剛好行到橋, 一於等下, 見步行步.

雨越來越密, 惟有在橋來回步.

來來去去, 可能都成10個圈.

婆婆就行下, 又望下風景.

行到攰, 上返車, 見另一邊係藍天, 又似停雨, 又起步.

去到學校外的大樹下, 雨又來, 細媽竟然連晴天傘都無帶, 媽咪馬上拎把細遮俾細媽, 再立即開大雨衣蓋住我同車車. 婆婆在我地後方, 佢有拎遮, 自己照顧自己.

有風扇, 我在車內都唔怕焗同濕, 仲瞓左呀. 見雨細左, 馬上回頭.

返到避雨橋, 又要等雨停, 一停雨, 肚餓了, 都係返加力食早餐.

食飽, 又慢慢行回家, 到屋企附近, 竟然厚黑雲在我地屋邨頭頂, 唔係卦, 咁好彩, 仲差10 多米到大門閘, 又要衝呀.