210530星期日例牌

天氣炎熱, 星期日都唔會有特別安排, 婆婆肯出動就得.

我都係出來行下, 全家輕鬆下.

近來又到大葉紫薇開花.

成地粉紅花瓣, 都幾似櫻花.

婆婆, 行下就諗下早餐食乜啦.

好似話下星期會多雨.

麻雀仔朋友, 你地要留意下, 間屋會唔會漏.

唔落雨就熱.

我地到瀝源橋底乘涼, 我加埋冰袋墊.

真係好爽.

我都有將個冰袋俾婆婆攬, 但佢話橋底咁好風, 唔駛喎.

同幾個朋友仔在橋底傾一輪又回程.

途中, 又遇到一隻17歲多小牧女, 身體狀況開始唔太好, 佢爸媽好鍚佢呀, 推著車仔陪佢行, 話珍惜每天. 

我地又到飯堂, 好彩馬上有位, 今日三個都食吉列魚柳早餐, 仲有脆豬未來, 魚柳又大又厚又多汁, 好正呀.