210501五一懲罰祭

今日係五一, 今年有個五一懲罰祭, 所以, 又係全日黃店日, 早上, 細媽去金寶冰廳買早餐, 食飽先出動.

今日打算帶婆婆去黃店食午餐, 所以會將行程縮短少少, 因為食完, 仲要行一段路返屋企.

真係好好天呀.

行山實唔得.

反正, 我同婆婆兩個老人家, 都要輕鬆步.

我仲要行下又上車坐下.

過隧道, 好多引水洞都有麻雀BB, 呢兩隻, 一定係等媽咪搵食物返來.

城河畔, 亦見到野生雀, 太遠了, 睇唔清楚.

今日唔會過對岸.

等婆婆去完中央公園個廁所, 我地又回程.

婆婆, 肚餓未呀 ?

我地在大圍坐車去食午餐喇.

直接坐車去到加力飯堂, 因為外邊有位, 又唔怕曬到.

我怕坐得太低, 太陽帽擋左上方, 自己將帽頂到反高, 方便晒XD

食飽又慢步回家, 細媽又出去多麵館買水餃, 屋企仲有阿布泰零食同樂文買返來的奇異果同果乾. 要實行五一懲罰祭. 其實逢星期六, 已經係黃店日喇.