210408肚仔有濕疹 ?

點解媽咪收工又帶我來診所 ? 我到診所就全身震晒. 上磅係 5.8 kgs. 

因為昨晚, 媽咪收工返來, 抱起我時, 摸到肚仔有些硬物, 以為又係南瓜蓉黐肚仔毛, 點知一抹, 發覺唔係囉. 係黑斑附近有分泌物, 所以黐埋毛毛, 抹走左, 黑斑附近紅膧左.

唔止一處撻, 係有兩撻. 媽咪馬上打電話去診所, 最快晚上 10點半, 太晚了, 見唔算嚴重, 預今晚6點半見邱醫生.

媽咪將昨晚影嘅相俾醫生睇, 醫生再對比返今晚情況, 佢話睇返我病歷, 有可能係碰到唔乾淨, 加上抵抗力低左, 所以發炎, 見今晚無紅膧, 暫時唔駛搽藥膏或食藥. 先用粉紅藥水消毒. 如果無好轉, 先返診所再睇. 見完醫生出來, 我知可以走, 心定返. 細媽趕唔切來一齊見醫生, 但就可以來診所陪我地返屋企呀.