210405受傷班鳩BB

2008年 6 月21日, 救了盛盛BB回家, 想不到13年後, 我地又有此奇遇.

今日我地行到竹園巴士總站時, 細媽在水渠發現左有隻雀唔郁, 坐在水渠, 馬上叫媽咪.

細心望, 係隻受傷班鳩呀. 佢左翼有血同嘴有血, 水渠旁都有兩滴血跡. 當時大細媽馬上諗, 唔通又係果位變態阿伯所為. 

媽咪馬上搵FB的師姐, 但佢無咁快回. 佢地唔想搵漁護署, 因為BB一定死硬, 嘉道理農場又無人聽. 媽咪又搵相熟區議員, 想搵當區議員, 但又未必可以即時幫到. 

細心再望, 係未成年的BB, 羽毛未豐的, 頸斑點都未出. 最後, 媽咪決定先帶回家, 佢用膠袋捉起班鳩BB, BB又無反抗, 應係好痛, 安頓在我個袋同放在車旁. 見佢眼仔碌碌, 大細媽心都定D. 

大細媽食完午餐, 先一齊去新蒲崗, 搵下有乜野可以安放隻BB先, 因為貿然去搵雀籠都唔易.

最後, 俾媽咪諗到買個膠碗盤, 在最底用外賣膠飯盒托高, 咁就有空氣流動, 下邊放報紙.

媽咪拎起BB檢查傷勢同想用粉紅藥水幫佢消毒, BB都開始識驚.

嘴部血跡乾左, 唔係嘴流血, 即唔係內部出血.

翼部有血位置, 消毒時, 又唔覺見傷口, 而且亦無再見有血出現.

BB從外觀望, 似無大礙, 可以只係少少傷, 已自行止血. 保險起見, 都係留院幾日觀察.

想放盛盛旁邊, 等盛盛同BB傾下歇, 點知盛盛驚個碗盤, 惟有分開. BB開始有反應, 想撲出, 媽咪只好放將膠櫈壓住啦. BB, 好好休息.