210425星期日

 星期日喇, 又可以出街喇.

210424看醫生睇皮膚

早前睇肚仔皮膚, 一直無好轉, 黑班斑四周仍會發炎同擴大. 媽咪影相俾醫生睇, 醫生都話要去診所檢查下. 今日由細媽帶我來, 磅重 5.9 kgs.

210418周日例行在城河

 嗱, 無雨, 我地就必定出動.

210417周六午餐

今日雨濕濕, 細媽話點都要食個午餐同堅持黃店日, 我同細媽在地鐵站等媽咪收工返來, 一齊又上去加力食驚喜特餐. 佢地次次點餐時, 將常餐麵食改動下, 但每次都唔係佢地所點的. 今日, 又有少少驚喜呀, 佢地都無所謂. 唔知幾昤先會係100%準呢 ?

210416別了 - 斑鳩BB

本來打算等斑鳩BB康復, 會安排佢回歸大自然. 點知在 8/4, 媽咪發現佢左眼眼角膜損左, 發炎變白, 唔知係當日受傷所致, 定係佢回來時受驚撞傷. 全家好唔開心. 跟住, 斑鳩BB日日合上左眼. 大細媽商量後, 如果單眼放回, 好大機會出事. 最後, 決定收養佢. 細媽仲打算星期六出去買個籠俾佢.

昨晚, 媽咪都覺佢好似唔太精神, 但佢有食糧同米. 今晚 9 點半左右, 媽咪準備幫佢清潔, 發現早上至今, 無食過野, 心知不妙. 仲好輕易捉起佢, 見屁屁黐滿便便. 媽咪幫佢清潔之際, 斑鳩BB就在媽咪手上 慢慢地走了. 

BB, 還未幫你起名字, 你就上了彩虹橋. 無想到, 你生命係咁短暫. 希望你在彩虹橋, 開心生活呀.🌈

210411星期日慢行城河

 今日好好天呀, 但早上氣溫都幾清涼, 唔夠20 度. 

210410周六無節目

 星期六, 媽咪要返半日工, 所以, 我地早上無安排, 惟有等媽咪返來, 一齊去加力食午餐.

210408肚仔有濕疹 ?

點解媽咪收工又帶我來診所 ? 我到診所就全身震晒. 上磅係 5.8 kgs. 

210406復五之城河行

 假期最後一日喇, 天氣好好, 婆婆肯出來.

210405受傷班鳩BB

2008年 6 月21日, 救了盛盛BB回家, 想不到13年後, 我地又有此奇遇.

今日我地行到竹園巴士總站時, 細媽在水渠發現左有隻雀唔郁, 坐在水渠, 馬上叫媽咪.

細心望, 係隻受傷班鳩呀. 佢左翼有血同嘴有血, 水渠旁都有兩滴血跡. 當時大細媽馬上諗, 唔通又係果位變態阿伯所為. 

媽咪馬上搵FB的師姐, 但佢無咁快回. 佢地唔想搵漁護署, 因為BB一定死硬, 嘉道理農場又無人聽. 媽咪又搵相熟區議員, 想搵當區議員, 但又未必可以即時幫到. 

細心再望, 係未成年的BB, 羽毛未豐的, 頸斑點都未出. 最後, 媽咪決定先帶回家, 佢用膠袋捉起班鳩BB, BB又無反抗, 應係好痛, 安頓在我個袋同放在車旁. 見佢眼仔碌碌, 大細媽心都定D. 

大細媽食完午餐, 先一齊去新蒲崗, 搵下有乜野可以安放隻BB先, 因為貿然去搵雀籠都唔易.

210405復四 - 在家附近逛

昨日, 媽咪自己行山, 細媽就自己行上去獅子亭來回做運動, 我就在家休息.

今早起身都有微雨, 細媽餵我食藥同早餐, 再出去買大人早餐. 媽咪食完又瞓, 細媽又出去買菜. 媽咪突然跳起, 見地面乾, 馬上同我梳毛出去. 真係有紫外線, 眼將唔大.

210403我和大細妹有個約會在獅子會

原本一早話約大細妹來獅子會, 因為我隻腳腳, 一路延遲到今日.

210402復一之龍翔道公園

 一連五天復活節及清明節假期, 天氣都開始熱了, 加上今日想去拎野, 決定近近地, 去龍翔道公園.