200221又軟便

今早半夜時, 我想落床, 細媽抱我過媽咪房, 瞓左一陣, 我跳地, 媽咪估我想去廁所, 咁我真係想去呀, 仲痾左好大篤軟便, 因為臨瞓前, 拆左橡筋無紮起, 好多軟便黐屁屁毛, 媽咪要幫我清洗同吹乾, 梳毛紮辮, 餵我食止瀉藥, 跟住一齊安心瞓.

瞓到接近四點幾, 我又想落床, 今次, 我想過細媽度. 

天光, 媽咪先出門返工, 我又有軟便, 好彩紮左辮咋. 細媽怕我止唔到瀉, 午飯時段返來餵我食多次藥, 婆婆話俾佢知, 我仲痾左兩次. 細媽馬上叫媽咪打電話去診所問, 可唔可以配藥.

媽咪都打去問左好多次, 因為醫生要做手術, 未有時間睇我病歷, 大細媽都收工返到屋企, 都未有消息,

當食緊飯時, 診所姐姐打來, 話醫生睇左, 可以配止瀉藥同維他命B, 但抗生素就唔配, 即同之前講法一樣, 試下咁, 可唔可以止到, 來判斷我係咪要依賴抗生素. 先配一星期, 如果唔得, 就要去診所見醫生. 媽咪見都 8 點幾, 打算第二日先去拎藥, 點知細媽想我早食藥早好, 馬上快快食完飯, 出來拎藥.

希望見效啦.