200204腳瘡看醫生

細媽 : 家洛, 起身喇. 梳毛後, 食早餐, 要出門呀.

吓, 又來呢度.

原來昨晚, 大細媽擔心我後腳粒瘡, 都係睇下醫生安心, 平時打電話預約, 好多時要打好多次, 昨晚 10:30 , 一打就通, 仲有好多時間任揀, 細媽當然想越早越好.

今日細媽放假, 同我來診所, 得兩家人等咋, 往時好多人呀, 可能新冠狀肺炎影響, 大人唔敢帶毛孩出來啦.

來到磅重 5.8 kg.

見完吳醫生, 醫生姐姐問細媽, 粒瘡爆時點消毒, 聽到話媽咪用消毒火酒後, 嚇佢一跳, 姐姐話好揦呀. 咁我地屋企只得消毒火酒呀, 醫生姐姐話開狗仔消毒藥水俾我用. 每日早午晚三次, 用棉花加藥水包住傷口一分鐘來消毒. 

至於我後腳粒瘡, 暫時望落都可以, 先食一星期抗生素同消炎藥, 唔建議手術割, 除非日後有變化. 唉, 又要食藥.