期待今早唔會有雨, 天佑我呀.
在閘口位, 好大風, 好彩婆婆同媽咪著定外套.
隔左接近兩星期, 今日又可以親下大自然.
婆婆上斜都領先.
等埋我啦.
嘩, 一路迎風行, 帽成日吹後.
咁搞, 點擋太陽呀 ?
邊個威先 ?
邊位呀 ?
吹到傻左.
到水塘邊, 有山擋住風.
但到大霸, 風仍一樣勁.
風大到, 連媽咪拎相機都唔穩
好彩我馬步穩, 無吹落塘.
話今日會間中有陽光.
又唔見有囉.
陰天唔曬又乾爽, 都好舒服.
好少在港島見到龍眼雞, 仲有一對.
婆婆 : 你正經行啦, 又八卦, 我唔會等你.
到第二個小休位, 楓香樹葉又生密左.
上水塘仍有水慢流下, 唔知幾個水塘幾時滿 ?
今日都算遇到好多朋友仔, 有成日見的, 有第一次見的.
咦, 有少少陽光.
都係維持幾秒咋, 而風就無停過.
今日行山遠足係最合適.
預告明天有狂風驟雨.
希望可以出去城河行下, 食個午飯啦.
回家梳洗好, 兩點左右先有微雨, 近排都係咁, 都唔錯了.
明天會唔會又係咁呢 ?
沒有留言:
張貼留言