2016年10月29日

161029婆婆撳緊急制 - 下回

上星期六, 媽咪同婆婆去洗傷口, 抽血, 順便排專科同登記門診, 職員話門診已有記錄, 唔駛登記.
門診即日無得約, 於是, 星期日朝早打去預約星期一.

第一次係 09:00am, 先打去柏立基, 話無登記, 原來門診聯網無互通, 即改打去廣華, 額滿了.
接住 10:00am, 媽咪唔熟程序, 又無位.
第三次 11:00am, 媽咪記熟程序同婆婆身份證, 預早兩分鐘不停打, 終於有位.

因個個要返工, 姨丈騰到整日空檔, 陪婆婆睇門診, 順便洗傷口.
仲一路用 Whatsapp 報告過程.

09:45 am 洗傷口
11:25 am 見醫生
11:40 am 見完醫生, 等做心電圖及又照兩個位置 X-ray.
掛期 21/11/2016 覆診睇報告.

點知醫生睇完心電圖, 話婆婆個心有問題, 要即時寫醫生紙轉入急症室.
分流為 : 緊急, 急症室醫生睇完, 要即時入院.
當時, 全家都緊張了.

除左頭一晚, 大細媽忙到收唔到工, 好彩有姨丈同肥舅父到醫院.

接住每一晚, 媽咪收工即去醫院探婆婆, 細媽就負責, 收工唔加班, 即回來, 安排晚飯同陪我.
我從來未試過無人陪, 獨留在家的. 但呢幾日, 我真係好叻, 目送最後出門的細媽返工.
一日又一日, 全家好心急, 期盼婆婆早日出院.

終於, 今早 8:44 am, 當我同大細媽在陽明山莊起步無耐, 媽咪手機響起.
我地急急行完,  快快去接婆婆.

問實護士, 原來當日心電圖顯示心跳不正常, 時快時慢, 即係心律不正, 所以要即入院, 婆婆病程與高血壓及肥胖無關, 關乎於係婆婆係長者, 年紀大, 機能老化, 所以歸入了老人內科專科.

只要以後長期定時服食薄血藥同去水(降血壓)藥, 定期覆診, 控制飲食, 要低鈉, 保持身心健康就無問題.

因 Warfarin (薄血丸)係按每人INR指數來配劑量, 所以, 醫生先開兩星期藥, 安排兩星期後( 11/11/2016 09:30am) 覆診再拎藥.

覆診前一日, 先行抽血. (10/11/2016 10:30am)

另排期(16/12/2016 2:15pm) 睇內科及老人門診.

每日要服食三類藥, 唔算多.
因維他命 K與 Warfarin (華法林)療效有對抗作用, 部份食物含高量維他命 K, 都要避色進食, 另外, 深綠免蔬菜及部份食物都唔可以食. 大細媽要研究婆婆食譜.

至於上星期排的內科專科, 原來排到 21/1/2017 先照心臟超聲波, 24/1/2018 先有期睇內科. 即 15個月後 @.@

今次真係萬幸, 如果無今次跌傷手入急症室, 都唔會引發一連串事.

天佑婆婆.

2 則留言:

  1. 婆婆有您哋悉心照顧,一定會keep 得好好,不過最緊要都係婆婆要聽聽話話

    回覆刪除
  2. 今次真係錯有錯著, 保持心景開朗, 注意飲食, 好多老友記都有老人病, 不要太擔心 ^^

    回覆刪除