2016年10月21日

161021婆婆撳緊急制

大件事 @.@
事源係昨日, 婆婆去街市買野, 左右手都有一大袋, 當在扶手電梯落來時, 唔小心跌親.
往時, 婆婆堅持日日拖地, 媽咪放工返來, 見前日婆婆留起的拖地水仲在水桶, 問婆婆 : 今日無拖地咩 ? , 婆婆支吾以對. 媽咪不以之意.

當細媽返來, 無意間, 發現婆婆手掌虎口位貼左膠布, 問佢乜事, 佢話跌倒, 損左少少. 

當食飯時, 見膠布有血滲出, 大細媽嚇呆, 叫婆婆沖涼後, 幫佢再用消毒下.
點知, 個傷口好深, 媽咪即影相俾大姨媽, 商量後, 必須縫針, 決定立即去法國醫院.

去到, 個女登記員第一句就問有無買保險, 見婆婆情況, 開始數收費, 又話一定要全科醫生縫針, 又要驗左血先, 又要照 X-Ray, 又有一大袋藥, 基本收費至少 7-8 千, 仲有些未計落.
媽咪第一次睇私家醫院, 無經驗, 知連一片藥棉都會計, 以為都係 2 千左右, 問大姨媽意見, 大姨媽話一人一半. 

點知個女登記員話起碼成個月人工o架, 叫媽咪諗下先. 媽咪心諗, 得 7-8 千蚊人工, 都唔會跑去私家醫院, 個女子狗眼看人低, 反正見都咁多人, 都係等啦, 媽咪激鬼氣, 即走.

即坐的士, 又去急症室睇. 到廣華, 比想像中少人, 有三分一空位, 有些仲係家屬陪同.
分流後, 婆婆屬半緊急, 血壓有點高, 可能急趕來, 佢又緊張卦, 分流紙時間係 23:01.

在家見時, 好似唔算太深.

一等再等, 終於凌晨一點多, 叫婆婆名了.

醫生將藥布打開, 手按驗傷口, 點知血即流出, 嚇親醫生同媽咪, 原來比想像中更深, 醫生知係因跌親而弄損, 要先照 X-Ray, 睇下有無斷筋鍵, 斷筋鍵就要入院才可處理.

X-Ray片出, 手骨同筋鍵無裂, 但發現脊骨彎了, 可能年紀老化. 但心臟大左少少, 又見血壓高左少少, 又做心電圖.

心電圖都出埋, 可以在小手術室幫婆婆縫針, 但心臟同血壓問題, 建議婆婆睇內科專科, 正常保持長期食藥就無問題. 最後縫左 6 針, 打破傷風針, 10日後可折線. 醫生話心電圖歪曲左, 叫護士幫婆婆做多次.

仲要打二次破傷風針, 要記得呀.

安全起見, 先驗血, 睇下甲狀線分泌情況, 安排左星期六洗傷口同順便驗血, 大概十日左右, 醫院會打電話講驗血結果. 醫生俾埋轉介信睇專科, 原來要專科醫生睇左報告, 視乎情況才俾期.

拎齊所有紙, 剛好凌晨三點. 急症室藥房一日 23小時開放, 在凌晨3 點至 4 點休息.
護士話遲些掛 8 號風波, 藥房唔會開, 唔想婆婆要等到星期六先食抗生素, 怕易受細菌感染, 叫媽咪等多一個鐘.

最後, 拎埋藥, 離開醫院, 周圍搵的士, 04:40先返到屋企.

天文台在 06:10掛起 8 號西北烈風信號, 真好彩, 趕到風來前抵家.

7 則留言:

  1. 真係好怕啲老人家整親唔出聲,洛婆婆早日康復

    回覆刪除
  2. 哎呀,法國醫院無做錯呀,婆婆跌親一定係去公立醫院啦,私院真係好可以好咁,隨時要照ct添架!婆婆衣家點呀?

    回覆刪除
    回覆
    1. 當晚頭髮都無洗, 隨便換件衫即出門, 可能太寒酸啦 XD
      係那位阿姐語氣, 真頂唔順.
      正跟進婆婆病程中.

      刪除
  3. 有位自稱有百億身家富豪表示,老人家,有事最好去公立醫院,因所有專家及器材都齊備,可最短時間內作出必要的檢查及答覆,作出這言論是他的經驗之談。

    回覆刪除
    回覆
    1. 經此次, 我都好認同.
      仲有, 感受到廣華醫護人員的細心.

      刪除
  4. 你地要多謝個位法國妹了XDXDDD
    個傷口真係深喎, 洛婆婆都好忍到痛啊 >_<
    依家幫婆婆check 咗幾樣都安心少少, 婆婆要乖呀, 小心傷口啊 ^^

    回覆刪除