細媽無半夜起錯身, 但今早準備好出發時, 又落大雨, 媽咪話連隱形眼鏡都戴左, 而我反正又要沖涼, 點都要出去行下, 冒著細雨出動, 究竟沙田天氣點呢 ?
咦, 唔算差.
成地濕之o麻.
噢, 點知話咁快, 天有黑雲, 細媽即抱我跑去橋底避雨.
好彩行得快, 又雷雨又橫風, 我地在橋底好安全.
大風雨過後, 風雨短暫停工, 驟雨唔知幾時又來, 細媽話點都要去食個早餐先走, 我都要快快離開橋底先.
成地水氹, 媽咪叫我照過.
今次有晒埋由玩水氹, 真爽.
今年無安排去沙灘玩水, 一於同雨玩遊戲.
同水氹玩仲過癮.
今日無著 cooling coat, 因為媽咪怕我件 coat 越行越重.
無去例牌位打咭, 事關細媽怕我叉錯腳而跌落河.
細媽話無晨早陽光, 一於由表姐橋 (即燕榕橋)過對岸.
昨日中途遇大驟雨而腰折折返, 今日點都要行去划艇會先回頭.
划艇會外石躉旁的榕樹, 已經大到遮左對岸視線位, 要等樹幹再生高些, 就可以變成一個好的樹蔭位.
到時在樹蔭下, 加上清風, 肯定好正.
相信唔駛百年樹木, 我肯定等到.
今次回頭, 就有早餐食.
唔似有驟雨.
起初話過沙燕橋去沙角邨, 轉頭又反口.
媽咪話雲咁高, 驟雨無咁快又來,
所以, 再行遠少少, 由瀝源橋過.
細媽話我咁鍾意去沙角邨, 一齊影張合照喎.
今日, 雖然經歷一場又場又大又長的驟雨, 預告下午會雨過天晴.
當食早餐, 零散驟雨又來, 下午放晴時, 我已經同細媽去甜睡喇
沒有留言:
張貼留言