150725驟雨前的晨運

細媽昨晚搞鬼, 佢無端端抱我過媽咪房, 媽咪仲睇緊書, 佢同媽咪話 6 點啦, 媽咪好錯愕, 明明只係午夜 12點半, 天都黑了, 佢搞乜. 

細媽入廁所, 準備擦牙洗面, 見個鐘, 先知搞錯.

我會 5 點叫佢起身, 我呢個鬧鐘都未叫佢.

好彩, 佢都識繼續瞓, 我亦準時 morning call.

早排政府立法, 定左今年9月3日為額外法定假期, 雖然乜野紀念日同香港都無任何關連, 但定左, 大細媽就照放, 我就照多日行晨運, 反正跟住的星期六, 細媽又係長週要返工.

成星期都咁多雨, 原本打輸數, 今日未必有運行, 但好運常在我身邊, 全夜無乜雨在我頭頂落下.

咦, 天黑晒.

好多厚雲, 似乎雨帶來了.

都係速逃.

婆婆, 唔好 hea.

精神些, 行得幾多路程就行幾多.

爭取一分一秒.

一路行, 四周都見有驟雨落在我附近, 但我頭頂仲未有.

到打咭位, 細媽話今日無太陽曬住.

一於過對岸.

兜多少少路, 先去食早餐.

有些微雨了.

但仲好乾爽.

快行左兩個鐘, 以今日天氣, 我地賺左.

麻雀B, 羽未豐, 學習搵食中.

婆婆話唔熱, 提議行遠些再回頭.
但無耐, 見大驟雨來勢洶洶, 似迎面來了.
最後都係細媽抱我回頭.

回頭帳篷, 雨又慢慢停了, 我自己過橋去沙角邨, 但過橋後, 大驟雨又來, 今次由媽咪抱我去大排檔.

頭尾都有兩個半鐘, 夏天時候, 夠皮了, 食埋早餐, 都係快快回家, 因為唔知驟雨幾時又來.