121124大浪灣遠足徑

昨日早上一場大雷雨, 搞到媽咪頭痕, 都唔知去邊好, 佢諗左幾條石屎路行, 最後只篩剩大浪灣遠足徑, 貪呢條線無泥漿路, 又開揚, 唔怕地濕淋淋, 因為今早會稍凍, 如果我行到腳同身都濕, 就易凍親病病, 媽咪真考慮周詳



我地未夠 8點半就到北潭坳, 諗住早出早回...

呢度氣溫得 15.4 度C, 雲又厚, 我地密密腳行.....

好彩凌晨微雨只落在大嶼山一帶, 西貢呢區都唔濕, 地面算乾爽....


唔駛一個鐘已到赤徑村, 我地唔留喇, 怕有村狗走落來....

我仲係覺凍, 都笑唔出....

唔想失體溫, 最坐方法係合埋口.....

開始上斜, 婆婆話唔駛用手杖.....


係咁上斜, 全家開始脫外衣....

婆婆精神飽滿, 無俾大斜難到.....


來到大浪坳, 要小休....


我地小休時, 都見有人上蚺蛇尖, 濃霧遮掩, 都望唔到尖頂, 佢地好堅呀....


大斜上完, 又大斜落, 其實都幾傷膝蓋, 所以我地慢慢行....

好多次都因光線問題, 唔可以在呢個位同蚺蛇尖合照, 但今日厚雲下就可以, 可惜山頂又俾雲擋, 咁剛才上好的姨姨叔叔, 究竟睇唔睇到路呢....


又到大浪村, 係時間上我架私家車經過....

一路行, 好多姨姨叔叔都話暖返, 話我可以唔駛著衫, 但我又好似無 warm up 好喎....


細媽就笑得出, 抱我入鹹田村時, 搞到我走光, 我更笑唔開....

我地打算唔會在鹹田或西灣食午餐.....

留返時間, 希望趕到去姐姐度食野....

但來到咁靚沙灘.....

我係唔會浪費ga....

跑多幾轉先唔蝕底....

媽咪影夠皮, 我地又繼續行程....

今日起東風或東北風, 都幾大浪....

仲係未見蚺蛇尖, 我地無揀上大帽山, 應該係明智....

可能係剛才跑左一輪, 身暖返晒, 終於可以笑得出....

又上山, 婆婆加油....

突然迎面有兩隻牛牛行來, 我地相同讓路....

又見大浪西灣喇....

咁凍, 僅唔會游水啦, 我今日見水都無踏落去....


好多人行捷徑, 但怕婆婆叉錯腳落水, 我地都係行正途過四疊潭...

再狂奔 encore....

好爽....

呢度一樣好大浪, 不愧叫大浪西灣....


12:42pm 咋, 好似好快....

只要婆婆唔太 Hea, 相信一個鐘就可以到西灣亭...

原來我地唔太 hea, 唔影太多相, 唔留太耐, 真係可以快好多....

咦, 有點雨粉, 都唔緊要啦, 都快行完....


真係未夠一點九就行晒, 用左 5 個鐘, 行左 12 公里, 我地自己讚自己叻 
見有的士在等客, 仲唔快快跳上車咩, 因為全家肚皮都打緊鼓呀