121111吹筒坳踏舊跡回西環亭

天文台又話今日多雲, 又會有幾陣雨, 今早清晨又真係落左雨喎, 落完咪即係唔落o羅
媽咪午夜夢醒, 腦子叮一下, 就早早起身同細媽講, 入來西灣亭



石屎路就唔怕泥濕滑啦....

今早東北季候風吹到, 真係好大風....
細媽輕視天氣, 只係帶左披肩咋, 好彩佢都頂得住, 無凍親.....

因為興建萬宜水庫, 先建造條新石屎路方便出入....


往日村民想出市區或其他地方, 就在吹筒坳行小徑上山攀往另一邊.....

到吹筒坳, 媽咪見天氣OK, 就同婆婆講, 不如行呢條昔日舊山路去西灣亭....

婆婆當然話好啦.....


條路係石屎造, 但經過咁多年, 日久失修, 都唔知前路係點, 只知野草叢生, 我要低頭行....

上了一小段, 感覺開揚....

仲望到對面山麥徑第二段....


野草生得又低又密.....

我要小心行, 怕草枝拮到眼仔....


望唔到前路, 惟有跟在細媽後邊安全多D....

好密密麻麻野草, 好有探險 FEEL....

唔好以為無人行, 我地上來時, 好多人由反方向由西灣亭行來, 我地成日在狹窄小徑讓路...


途中每經過水坑位, 都有小橋鐵欄杆GA...

細媽怕野草拮傷我眼仔, 諗到打開遮來開路, 我跟實佢後面就安全....


雖然見有厚雲, 亦都見藍天....

全段路就係咁多草....

我緊隨細媽步伐...


為我擋住一切危險....

所以話, 有大細媽, 我無有怕....

再上, 又見水塘全景....

好奇怪, 行行下, 條石屎小徑收窄左, 得返一呎多點闊.....


何解咁怪 ?????

婆婆企埋去, 比例更明顯...

上高D, 望遠D...

媽咪最鍾意即睇相, 佢睇一睇以前影左相D Exif, 突然發現全回歸返2006年6月9日, 時間又早左 5 個鐘, 都唔明點解, 但都要即時修正返晒日子同時間, 多影一張相作修正時間紀錄, 希望返屋企可以有辦法改返....


都未夠 10 點, 就差不多回西灣亭, 見有條小路上山, 就試下可唔可以行去鹿湖果邊....

點知行入左無耐, 條泥路快俾野樹野草遮掩晒, 細媽話唔去探險, 原路折返回西灣亭....


咦, 仲未見細媽同婆婆ge ?

細媽 : 我到喇....

婆婆亦手握行山杖, 他他條條落來...


咁早, 媽咪提議上天梯去夾萬坑打個轉....

我地都無預備食物, 所以唔會行去鹿湖舊村....


四周都係樹, 分唔清邊棵係吊鐘樹添....

但遲些春來, 整段路都係吊鐘花, 就會好靚....


雲漸漸散, 藍天越來越廣闊....

但有風吹, 唔熱...

其實當我到左夾萬坑, 都無諗過行落水....

真係好鍾意呢度, 可惜我地咁耐都無再遇送帽有緣人....




休息夠, 我地又回程喇....

昨晚呢帶都有雨, 但紅泥路無見泥漿地....

又落天梯回西灣亭住村巴去姐姐度食午飯喇....


經過兩日, 我已經好攰, 我地咁愛來西貢, 就因為多左條西貢線小巴, 我可以好大方, 唔駛好似以前咁偷雞坐專線小巴....

我臥在細媽懷裡甜睡, 正在發甜夢, 唔好嘈醒我呀