121104閒遊鹽田梓

經過昨日長途, 媽咪話大家都攰了, 本來諗左去獅子會 Hea, 然後去姐姐度食野, 昨晚上網睇地圖, 突然諗, 我地從來無考慮過去鹽田梓, 島仔細, 計埋剛好花半日, 反正唔想要我同婆婆行山咁攰, 一於去睇下啦....



頭班船係 10點, 問埋售票叔叔, 光係行, 只花 45 分鐘, 咁加埋影下相, 八下, 應該可以坐返 12:20pm 頭班回程船 


頭班船真係比較少人, 都係10幾人咋....

20分鐘船程就到鹽田梓....


在碼頭買船票, 叔叔會俾埋張地圖, 只要跟地圖行, 就可以行晒所有景點....

小島細細, 都有兩間士多茶座....

鍾意 Hea耐D, 茶座都提供茶果, 豆腐花及麵食, 但我地唔打算在鹽田梓食野喇...


話呢棵係百年樟樹, 但望落一人都可以環抱, 我地昨日在烏蛟騰梅子林村, 見的大樟樹, 起碼要三人先抱到, 咁即係起碼有二百年 

荒廢了的客家村屋群...

每到一處景點, 都有好清晰指示, 唔會搵唔到....

學校行上少少就係聖若瑟堂, 我地剛到時, 門仍是鎖上...


Hea 了一陣, 就有人來打開門...

來得, 僅要入內八下....

細媽話我唔好落地, 費事打擾呢度, 所以抱我一齊影....


跟住又轉入文物館, 好多野, 婆婆同媽咪都見過, 婆婆猛話以前佢做女時, 都係用呢D ga...

古老梳妝台連鏡與媽咪, 證明媽咪都有來

好多村屋都倒塌....

但仍依稀見昔日的屋貌

好似話有一口活泉井...


望落去, 水好清澈, 但唔關上鐵欄, 對小朋友就好危險...

所以我都係行遠少少好...

上高位, 可以去觀景亭....

天氣真好, 但如果今日行山, 就可能熱傻我....


觀景亭一帶, 設有好多燒烤爐, 但有植物由爐中生長出來, 相信都好少人來燒烤...

沿小徑落山, 過了荒廢的露綺莎渡假屋, 就到玉帶橋, 橋盡頭接上滘西洲高爾夫球場, 但有牌寫上私人地方, 嚴禁進入....


我地在橋欣賞風景都夠...

回頭, 我地又去另一景點...

圍繞鹽田梓, 有好多紅樹林...


昔日鹽田梓盛產海鹽, 因而得名...

已是遺址, 唔知以前產鹽時係點呢....


媽咪 : 以前點產鹽我唔知, 但就知你落沼澤地, 四隻腳都係紅泥, 好核突呀 

唔好嬲啦, 你都話今日預左沖涼, 我玩盡D, 先唔蝕

你地唔想見我對手腳, 我搵草遮下咪唔覺 lor...


細媽 : Help, 話完轉頭又踩落去泥漿度, 仲以為今日可以保持靚仔樣, 條圍巾沾晒黃泥,  要報鎖喇

驚趕唔切班船, 媽咪佢地好急咁走去廁所幫我洗手腳....


好彩一切順利, 12 點左右就搞掂行返去碼頭邊士多, 本來想食豆腐花, 但上邊一間茶室有三隻村狗, 雖然佢地唔惡, 但媽咪驚我吠佢地, 於是走去另一間買茶果食....


雖然島係細, 但如果每樣都仔細睇, 想坐返 12:20pm都幾趕ga, 只可走馬看花....

今日婆婆又有大收穫, 又魷魚絲又紫菜, 紫菜可以就咁食, 漁家教話魷魚絲加紫菜一齊食, 真係好好味, 你地睇佢幾滿足
生活就係簡簡單單已足夠