121117塔門加高流灣海鮮美食團Encore

又一大清早起身, 明明話今日有冷風到, 仲搭船吹風



原來一早約左朋友仔去玩呀.....

今早5-6點仲係落雨, 但坐船時見返藍天.....

坐左個多鐘船, 我地就來到塔門....


今日有毛毛, Elmo 同 Dr. B 一齊玩, 好耐未試過喇....

塔門呢度好多舊式瓦片頂村屋, 唔知仲可以保留幾耐呢....


有些已經破落, 原來曾經有成二千人在此小島居住...

紅樹林...

Dr. B, 快D行去草地玩啦...


喂, Dr, 你唔識路, 就唔好亂走, 另一邊Ga....

Elmo : 好大片草地, 又可以喪奔...


以為清晨場雨, 會搞到塔門好濕, 點知算好乾爽...

Elmo跑到變左大頭仔....

毛毛, 你腳仔未好得晒, 唔好跑太多喎.....


毛毛 : 洛哥哥, 你唔好傻啦, 我點會蝕底...

我就點跑都得....

突然上次出現的村狗又來.....


喂, 你唔好蝦佢地....

我地四個狗強馬壯, 但你想一齊玩, 我地都歡迎ge....


照下合照先....

一照就散晒....

Elmo今日曳曳, 成日唔聽麻婆話, 又唔笑...., 唔通昨日打爸b, 仲內疚中.....

Elmo : 我地轉地頭, 朋友仔, 你又跟我地去啦....

Dr. B : 我呢個朝偉look, 殺食呢....


Dr.B : 又可以變瞼

毛毛: 我怕大浪, 唔想影喎....

毛毛: 好啦, 俾下面大姨媽, 定一定 law.

Elmo, 又係黑面唔笑....

又轉去疊石先...


終於見返笑面 Elmo....

毛毛 : 我真係唔想影呀.....

毛毛, 學我擺下 pose, 都唔係咁煩o者....


我地預左搭十二點班船, 點知掛住玩, 船到喇...跑快D呀.....

Elmo : 佢地仲未到, 船開走左啦....


點好呢.....訂左 12點半到高流灣喎, 下班船要多等一個鐘, 惟有打電話去改時間....


既然仲有一個鐘, 我地走去另一邊廣場跑下啦...

我每次見 Dr. B, 都一定一齊互相追玩...

何解次次見到 Elmo, 都仲會出現撞我呢D場面....

玩到差不多時間, 我地坐 1點班船去高流灣, 大人就享用美味海鮮餐....


6 個女子, 食 8 個餸, 係咪好大食呢....

食飽飽, 我地預早去碼頭, 怕又錯失 3 點班船, 又要等多一個鐘....

Elmo, 又周圍亂走, 又俾麻婆鬧完打完, 無晒表情...

今日天公造美, 無落雨, 唔大風, 又唔凍, 食物美味, 好正....
下次我地約會, 又會係幾時呢.....