121110山頂下薄扶林

又輪到媽咪值班, 細媽就帶我同婆婆過香港接媽咪收工, 得半日, 咪諗住上山頂行下o羅



臨落車時, 媽咪在車上見到呢個薄扶林郊野公園, 突如其來話行去薄扶林水塘 

去邊度, 我無異議, 最緊要有得玩...

細媽成日哦話快天黑, 我行快D, 唔想又聽佢白天鵝

起點係薄扶林水塘道, 我地08年10月07日亦係由呢段路起步, 但上次係行去接上港島徑二段去香港仔水塘....

今次就跟呢個路線圖行, 部份接上港島徑第一段尾.....


慢慢下斜路, 沿路樹蔭, 好舒服ga....

粉紅妹妹 : 我好驚, 諗起小豬 pig pig 上次慘痛經歷, 我忍唔住又喊, 我會唔會同佢同一命運呢


粉紅妹妹, 放心喇, 今日又唔係熱, 在山頂又無水玩, 唔會出事ga  

陽光無海灘都無妨.....

樹蔭下仲好享受....

行了一段, 右邊有個分叉位, 媽咪睇清地圖, 我地由呢度轉入港島徑一段, 仲可以行返上山頂盧吉道ga...

在呢度有段小插曲 :
我地途中遇到兩位姨姨, 佢地帶住一松鼠狗及一約瑟, 媽咪同佢地聊天, 我就同兩個朋友仔周圍走, 當我走到身後的一棵樹, marking 完, 唔小心叉錯腳, 由 4-5 呎掉落旁邊泥徑, 當時細媽剛站在泥徑, 見我袖高處墮下, 即撲來抱起我, 我當時驚到腳震, 大家幾驚我跌傷, 幸好係泥路,又唔係頭先落地咋.....
我好驚, 即時向媽咪嗲嗲撒嬌, 媽咪安撫左我好耐, 又檢查我無事, 於是同姨姨們道別, 繼續上路....

全都係平坦泥徑....


又係樹蔭下....

當然間中有幾級石級啦....

最好又沿路有小溪流, 我俾 10 個 like


細媽 : 見咁多溪流, 不停叫住你唔好下落水, 我就俾 100 個唔 like

細媽, 出來玩, 預左要玩, 唔係你地宗旨咩....

我已經忘記晒剛才高處跌下事喇....


見到水塘喇....

太陽除除由西方落下, 剛好在樹梢中...


又到分叉位, 落去就係去水塘, 直行就上返山頂....

我地行多幾步, 望望薄扶林一帶海景....


沿配水庫旁小路行....

就有一大片草地.....

細媽話唔跑了, 影下相就算....

接返薄扶林水塘道.....

今日行程到此為止....


經過郊野公園管理處, 見一大群蝴蝶在花叢覓食, 好壯觀....

要離開郊野公園範圍, 開始有車往來, 細媽都要抱返我...


呢段路好易行, 只係 5 公里, 官方時間係 2 hours, 我地 hea 住行, 媽咪又同人吹左好耐水, 都係用左 3個鐘, 要紀錄在案, 作為我地日後郊遊資料