121103家庭叫鴨團 (加了相)

10 月係大姨媽同大表姐生日月, 本來想約齊大姨媽全家一齊慶祝, 可惜二表姐要返學校, 大姨丈又忙, 最後都係約到兩位壽星咋

入秋了, 我地第一次出動組織家庭叫鴨團, 09:05起步由烏蛟騰上亞媽笏經分水凹行...


小楓葉樹苗好靚, 遲些又要賞紅...


最辛苦頭段, 一路上石級...

今日有大姨媽殿後照顧婆婆, 我就同大表姐帶頭行...

好似行得快左D, 唔通有人鞭策婆婆

呢段路多樹蔭, 早三日前落雨, 媽咪幾驚地面仲未乾透, 太濕, 好滑好難行, 好彩乾燥咋...


大姨媽話呢度叫"亞媽得"喎

到直昇機坪喇....

大表姐玩飄浮, 跳到傻....


10:14 由分水凹落去荔枝窩...

原來大姨媽佢地成日跑山玩定向, 竟從未行過梅子林呢邊, 等我叻返次, 帶佢地行先...

全程又講又笑, 轉眼又到梅子林村...


百年大樟樹下....

棵樹大到兩人都抱唔晒....

今日好好天, 又唔凍, 但對我呢個毛孩又有點熱....


11:22 已到荔枝窩, 真想唔到...

比之前我地行, 快好多, 應該 1點前趕到去合益士多卦...

係咪我地早呢, 都無乜行山人士...

途經自然步道, 希望白花魚滕能快快回復往日的美麗同健康...

漫步紅樹林邊....

荔枝窩客家村, 我會好快又來ga...

每次來, 紅樹林一次比一次高大.... 

矮大葉藻反而少見了...

見到彈途魚嗎

肚餓了, 我地快快步無停過, 12:26就到合益, 比預定時間早左半個鐘...


上年見的沙皮狗仔BB, 不經不覺已經過了歲半, 好乖...


生日僅要有蛋糕, 細媽專登買左個迷你芝士蛋糕, 媽咪好神秘由背囊拎出時, 大姨媽同大表姐好驚喜

等食中....


佢地今日叫左好多食物....


有客家咸雞, 三杯鴨, 白菜心, 芋頭炆南瓜, 野生生蠔, 同一尾 29 兩重黑鱲, 條魚只需$290, 好抵呀....

生蠔好靚, 但都只係間中食下就夠喎...

食飽飽, 全家好滿足, 兩點又回程....


兩點多, 好曬呀....

我地第一次來, 三椏村外的紅樹林只係樹苗, 好細棵, 經過幾年, 已經好高大...


婆婆怕行得慢, 天快黑喎, 佢話要行上路, 犁頭石路短好多, 但就開揚又曬 lor...

好彩我識揀位休息...

如果全段路係無樹蔭位, 我一定熱屎....

下次來, 四周就唔會咁青綠, 因為下周三立冬了....


我又玩鑽枯葉, 又激屎大細媽, 但又逗得大姨媽同大表姐開心笑, 好多野無絕對o架....

怕乜 jet, 都沖涼啦....

婆婆望返對面橫嶺, 諗起早幾年同大姨媽行環湖, 佢話一次夠, 唔再陪我地癲喎....


15:40 又落到山腳....

大姨媽見石椿好靚, 我地行返轉影相....

16:05 剛好回到新屋下, 頭尾包埋食飯的個半鐘, 我地一共用左 7 個鐘完成, 行程只係5個半鐘, 好似快過以前喎