又見軟便便

星期二晚, 我開始有軟便便, 但又無唔舒服, 跟住幾日都有黏液痾出來.
今日玩完返到屋企, 細媽估我早排偷玩, 飲左山水而腸胃不適, 諗諗下, 落街買左D益生菌俾我打底.
點知 7 點多, 我走入廁所, 媽咪又跟來, 我好尷尬來回廁所幾次, 又再一次痾左點點便便, 媽咪知我可能肚仔覺有D唔舒服, 佢地又立即行動, 帶我去見羅醫生.

例行上磅, 維持 5.6 kg

當我入去見羅醫生, 佢一出聲話過來俾佢睇睇, 我即告撲上細媽身.
羅醫生 : 又唔係第一次見, 駛唔駛咁驚.
羅醫生傻ga, 我唔相信有小朋友鍾意見醫生 lor.

本來媽咪想話順便驗下血, 原來要夠 3 個月, 先可以再驗仲有無牛B會好D, 惟有又要遲D來多次.
今次少少腸胃炎, 早發現同來睇醫生, 否則遲左, 就似2010年咁, 痾血便.
要食一星期藥, 有止瀉同抗生素, 仲有係益生菌....
益生菌, 俾細媽估中, 所以佢話, 以後都要有一樽在家, 保平安呀 .