上星期因攔路雨, 我地無來例A - 大浪西灣, 媽咪睇過天氣預告, 頂多係驟雨, 反正會濕身, 當然唔怕喇
仲以為相隔兩星期, 水塘水位會高左, 點知又係咁....
今日我無停低食早餐, 諗住快快落沙灘玩....
又話間中有陽光, 來到沙灘, 竟然咁好天....
衝呀, 快D 行去小河旁....
嘩, 差D見唔到對岸....
今日經潮汐大C推算, 會係大潮漲, 宜游水....
我要游過對岸ga....
就係因潮漲, 河口游水, 無乜浪最好....
而婆婆腳短, 如果佢行去對岸, 水浸大腿位, 佢怕怕, 惟有留在原地周圍行, 而我就來回河口游...
來回兩岸, 都幾遠Ga....
我真係愛上游水, 自己游來游去, 好開心...
唔止游, 仲可以在淺水位奔跑.....
撲撲浪花.....
又跑又游, 都幾用力ga...
媽咪話次次都係細媽陪我跑, 今次輪到佢陪我.....
兩母子不知幾開心....
今日時晴時陰, 我地最鍾意咁天氣....
又放晴了...
玩左快接近一個鐘, 未食早餐, 開始攰添....
媽咪, 玩多一陣, 我地就走了.....
媽咪, 玩多一陣, 我地就走了.....
雖然下星期都會去游水, 但唔係來呢度, 下次來, 可能大退潮, 都係游多一兩轉先....
想玩都無力, 仲要上返山ga....
都係走了....
突然有隻蟹由海中游上沙灘....
佢見我, 竟然定左形唔郁, 媽咪叫我唔好嚇親佢喎....
回程上吹筒坳, 我都有食左幾次雞肉湯, 當然唔會食太飽, 仲要留肚去姐姐度食蟹子青瓜沙律ga
我今日食差不多3 份沙律, 係咪好勁呢
因為快接近公公死忌, 我地順便去拜埋公公先返屋企添
返到屋企樓下, 竟然開始落雨, 仲有雷聲, 原來有雷暴警報, 我地真係好彩呀
預曬做得好密下喎?? 有上冇下O既
回覆刪除[版主回覆08/21/2012 13:35:14]果對係防UV手套, 著左仲有清涼惑, 你地識唔識野 ga
[★珍妮 & 毛毛★回覆08/21/2012 13:12:33]係啦, 上面裹蒸糉,下面就,,,,
洛洛真係好鍾意游水，係咁游來游去
回覆刪除[版主回覆08/21/2012 13:38:12]以前都唔知佢咁鍾意ga, 但佢真係怕浪, 呢度近河口位, 浪比較少湧入, 又較安全, 佢游得開心, 咪次次都係呢度 LOR
洛洛你小心隻蟹夾你鼻鼻呀
回覆刪除[版主回覆08/21/2012 13:39:25]以前在大埔滘自然護埋區, 同紅觸打過啦, 唔驚
咔咔咔, 竟然比我係網上面見到你地, 我係8月12號係獅子會見到你, 重話你好型帶頂帽果個呀, 有隻15歲約瑟果個呀~ lol~ 我頭先見到你頂帽先認得你咋~
回覆刪除我見到你成日去游水好正呀, 因為我成日都係帶佢地去橋咀島游架咋, 我想問下你呢個係點行去大浪西灣架？起點係邊到黎架？我好想帶果位15歲阿婆去行下呀~lol~
[版主回覆09/12/2012 13:59:53]Nice to meet you at Lion Park & my blog
我地好多時在 blog 都遇返行山時碰上的朋友仔, 可能洛洛戴幌, 比較易認. 試過, 次行烏蛟騰, 又遇返一年前的行山叔叔同姨姨, 佢地都係記得戴太陽帽的洛洛.
見你地個老婆婆老當益壯, 真係好開心
至於大浪西灣, 先在西貢坐的士入去西灣亭 (約 $90) 或在麥當勞坐 29R 村巴入去 ($17/人, 但班次疏), 由西灣亭行去吹筒坳係石屎平路, 約 30 min, 落 10-15 min 就到西灣. 玩完回程路相同, 我地有洛婆婆, 佢行得慢, 每程要 1 小時. 回程上返山都頗斜, 我建議你抱老婆婆會好些