細媽之前睇生果日報, 見人家話椰子油好好, 日日都當普通文章睇, 睇完就算
. 直到有日講到椰子油對狗地皮膚好, 佢心諗, 係咪真KA. 即刻上網研究下, 研究完後, 佢話以前明明講有益嘅橄欖油, 竟然係錯晒KA. 
咁細媽就即刻行動, 去D健康食品店睇下啦, 但係人地都無入貨. 聽其他狗友講城市豬扒有得買, 但間間都唔係左近喎!! 咁點好呢.
細媽醒起. 佢有個兼職開連鎖有機食品鋪嘅同事. 就問下同事啦. 同事答話有呀, 而且我地屋企附近仲有間添, 最緊要係街坊價呀. 放工後即刻走去買喇.
即晚 , 細媽安排整麵包時, 大媽將量匙剩左嘅油俾我聞下啦! 嘩!! 不得了, 我忍唔住幫佢地洗匙呀.
媽咪話本來會係我D飯度加DD, 試下我食唔食喎. 依家唔駛喇!!
今朝佢地食包包時, 話D包有陣清香味喎!! 不過我就無得試. 正孤寒鬼來KA.
近期真係個個都話椰子油，但椰子有飽和脂肪，我覺得食得太多都唔係咁好，其實食每一樣嘢都係唔可以食過量的
回覆刪除[版主回覆08/20/2012 13:22:49]我地以前都以為椰子油係飽和脂肪, 原來仲有分, 當然所以食物都唔可以過量啦, 橄欖油多食都係唔好的
我都有聽過呀, 我仲叫左靚媽幫我買呀, 我會同dr一齊食,一齊用呀.
回覆刪除[版主回覆08/20/2012 13:23:49]真係一滴都好鬼香, 要試
呢樽幾好喎, 有無門市地址呢~~講指教哦 !!
回覆刪除[版主回覆08/19/2012 18:45:00]你上網搵 cosway 呀, 睇下你家附近有無, 會員價 $40/250ml, 正價都係多$10 左右, 仲有大樽 1L的.
係喎,下次整小食都可以加少少去令餅仔香d 喎
回覆刪除[版主回覆08/20/2012 13:25:07]真係少少, 已經超香, 我地滴一滴在洛洛雞肉湯中, 仲以為係煲椰子雞湯
有呀, 今晚去睇下先~~唔該晒 !!!
回覆刪除