120812西貢後海灣插旗

昨晚媽咪準備好晒, 諗住一早起身去西灣游水, 點知細媽 6 點起身時, 見好大雨, 雲又黑又低, 於是佢無叫醒我地, 等我地繼續瞓, 仲落街買材料整早點添
雨過天清, 似無雨了, 我地就中午出發來獅子會, 媽咪預左我做泥鴨, 所以都唔埋我了...

雖然今早場大雨咁大, 雨後都好多小朋友出來玩....

昨日無掘沙, 今日掘返夠先

兩星期無來, 大草地D草長得好高呀.....

周圍都係濕地, 我都識揀石屎位坐, 廢事媽咪無眼睇我....

無水游, 我落水渠玩水都得....


早排打風後, 唔見到中原一點黃蹤影, 今日佢出現了, 仲一叫佢, 幾次都伸高頭望我地.....

我周圍走, 媽咪話我去邊都得, 我當然又自行走去水道啦....

呢度好舒服ga...

我浸夠就會走, 唔會磨爛蓆的....

突然媽咪遠遠見到兩個大朋友仔埋頭苦幹.....

原來佢地食緊草....

食到幾津津有味....

佢食到唔願走添....

快兩點, 大細媽話要轉場....

我地行去海傍...

去邊呢.....

咦, 唔通我地學佢滑水....

細媽 : 今日農曆十五, 大退潮, 我地行去對面小島插旗啦...

望落唔深水, 都OK 喎...

無得去西灣, 來呢度踩水都得...

但行行下, 點解水位漸漸深 ...

似乎唔可以行了....

而係要游...

好似俾大細媽搵左笨添....

佢地踏水唔過膝蓋, 但我已經要深先得...

佢地輕鬆, 我要努力....

游游下, 仲有朋友仔追來....

喂, 你地大隻又腳長, 我腳仔唔到地, 唔夠你地快ga....

加油, 加油....

我一路游, 無得停...

快到插旗目的地, 細媽抱我, 等我歇一歇....

終於到小島...

但遠遠見有雨來, 相機都濕左....

細媽, 等埋我呀....

媽咪, 你唔好掛住影相, 小心, 快快行, 雨點越來越大....

其他人都回航....

當上岸, 雨點已經好密, 細媽話我又咸又濕, 唔抱我, 等雨水幫我沖淡身上海水, 但好多人見我俾雨水淋, 話我好慘喎
細媽話, 唔通佢真係咁殘忍