120825家庭樂在滘西灣

終於到今日, 早一個月前, 我地約左大姨媽一家, 一齊慶祝婆婆生日同埋大表姐中學畢業, 踏上大學之路
可惜大姨丈要返國內教班, 大舅父一家又怕熱, 參與唔到啦



大細媽諗左好幾個方案, 想又玩又食, 唔想又係去白腊同東丫, 見早前花姨同奶茶去滘西灣又游水又食海鮮, 問齊資料, 今日全家出動

船來了, 上船....

全女班, 得我一個男仔...

坐船唔悶,因為可以望島嶼岩石...

見到滘西灣喇.....

半個鐘就到, 我地先上魚排, 有三隻狗狗好乖, 其中一隻狼狗嗲到婆婆暈....

我地上快艇往沙灘時, 佢仲走來望實我地, 好似依依不捨咁...

今日唔大浪, 坐快艇唔拋...

就係知沙灘有小木橋, 婆婆上岸安全, 我地先揀來呢度玩...


上岸時, 只見一班露營人士咋....

一到, 我已經急不及待想落水...


但原來水對我都幾深, 又有細浪湧來, 唔似大浪西灣咁, 我嚇窒了...

大細媽預左, 拎埋浮床來陪我....


我坐在浮床都心安D....

我記得早幾年前去白腊, 大姨媽拖左我出去好遠, 等我自己游返上岸, 唔知今日, 佢又唔知會唔會重施故技...

細媽知我驚游水, 手捉實我, 要我原地游....

婆婆在沙灘來回優悠走, 我就在水中游.... 

開始有遊艇大軍到....

大細媽都唔識游水, 細媽攬實浮床同我暢泳....

沙灘旁有個小水霸, 集聚山上山水...

我地都唔可以上去, 因為我一影完一張相, 有一大班人上左去了...

大軍陸續到.....媽咪數, 暫時20艘....

明明有小木橋, 但駁船唔會載人由此上岸, 仲係穿插在沙灘人群中, 真怪.....


除左我地, 身後係第二批人用小木橋上岸...

細媽唔放過我, 要我又游.....

哎呀, 大姨媽臨尾終於出手, 拖左我出去好遠......

媽咪, 大姨媽又來過呀.....






玩到 12 點, 船家準時來接我地返魚排....

媽咪同大姨媽點菜, 我地去沖身換衫, 好快有得食...
六名女子, 點左8 款菜, 食力好夠....

老闆介紹呢款跳螺, 無須點調味, 真係好正.....

婆婆食到好開心....

飯後, 未到時候上船, 我地就在魚排周圍走....

大姨媽數過, 有32 艘大遊艇, 未計細遊艇ga, 真係交通繁忙....


今日天氣唔錯, 大部份時間有雲擋, 唔係成日咁猛陽光ga....

呢條路好好走, 行過有聲Ga....

夠時間上船回程, 婆婆唔捨得嗲豬, 要索多幾次油先
其實呢班女子將我D雞乾餵晒俾三隻狗狗, 仲影左好多相ga....

好舒服又一日, 可能係兩點船, 仲早, 我地包晒全船, 簡直係私家遊艇, 好正呀....