一號風球, 幾鬼好天, 一整晚都無雨落過...
但又唔係好曬, good.....
無泥濘, 大細媽最開心...,
因為我昨日都沖左涼, 佢地唔想我搞到太污糟....
荷花期過了, 但仍見睡蓮....
我過小池都好小心....
今星期, 終於見太陽花又盛開....
紅蓮霧又比前成熟...
一叫"阿黃" , 佢又在水中浮出來, 游近我地....
都話我係大自然陽光小男孩, 每次都笑得好燦爛....
但陽光下, 陽光小孩都要識避一下....
媽咪話差不多時間, 我地要起程探路....
早排咪提過, 想由蕉坑自然教育徑行去對面海村, 今日就試試...
閘口關上防野豬...
沿自然教育徑直上....
唔知要行幾多級石級呢
好彩石級唔算長, 相信婆婆來, 都唔會叫救命....
一路平路....
見有路標, 指左邊去麻南芴就知o岩路....
上一小段石級, 又係平坦小徑....
在樹蔭中穿梭, 好舒服....
又見路標, 知到目的地.....
我地次次由白沙灣村入, 經另一小徑到對面路村, 就係見呢個牌, 原來由獅子會行來, 真係好近, 我地慢慢行, 都係 20 分鐘就到....
要行快兩步, 我要去姐姐度食青瓜沙律ga
出到路口係康富路, 直行左轉出康健路, 就要出返西貢公路, 條路真唔難, 但就短左D o羅
探好路, 下次可以帶婆婆行
探好路, 下次可以帶婆婆行
洛洛,呢到我地好耐好耐冇去過呀,有時間真係要去行下.
回覆刪除[版主回覆09/03/2012 13:57:05]呢度, 對你地真係遠, 一東一西, 但呢度又真係幾好 ga
下次可以試下行喎^^
回覆刪除[版主回覆09/03/2012 14:03:01]只行去呢段, 又好似短 D, 你可以向麻南芴方向, 行入D , 右邊會有一大草地, 可以跑下. 再向前行, 會見一涼亭 (祿善亭), 休息下, 回程落返去對面海村.
哈哈~ 我地又o係左緊咋
回覆刪除[版主回覆09/03/2012 14:04:05]同一半島
洛洛係做咗探路先峰
回覆刪除[版主回覆09/03/2012 14:04:58]探下路, 下次同婆婆行, 唔駛佢怕我地帶錯路