myTV

我同婆婆今日在家, 下午時, 婆婆睇睇下電視, 突然 "pop"一聲, 電視機無晒畫面呀

媽咪一踏入家門, 婆婆就苦著口面話俾佢知

媽咪仍未回魂, 佢一轉就諗, 屎喇, 好似要拎部電視機上代理商維修, 部機咁重, 肯定要兩人一齊去, 又要請假, 好唔化算

又唔知要等幾時先拎返部機, 婆婆一路煩話無電視睇好慘, 於是立即拎埋銀包, 想衝去買部平平地電視

幸好佢停一停, 諗一諗, 打電話去電器舖問下代理商電話, 原來 32 吋以上的電視機, 代理會上門修理ga

可惜維修預約爆滿, 最快都要等到星期六中午, 咁呢幾日點好呢

於是媽咪醒起細舅父房內有部顯示屏, 問下細舅父, 原來係 21吋電視機, 但要等佢返來拆線拎出來

咁今晚佢未返來點算呢

媽咪腦袋一"叮", 立刻拎電腦出來, 原來可以上去睇"高清TBB" ga

又見軟便便

星期二晚, 我開始有軟便便, 但又無唔舒服, 跟住幾日都有黏液痾出來.
今日玩完返到屋企, 細媽估我早排偷玩, 飲左山水而腸胃不適, 諗諗下, 落街買左D益生菌俾我打底.
點知 7 點多, 我走入廁所, 媽咪又跟來, 我好尷尬來回廁所幾次, 又再一次痾左點點便便, 媽咪知我可能肚仔覺有D唔舒服, 佢地又立即行動, 帶我去見羅醫生.

120826突破例C

今日婆婆約左大舅父食午餐, 大細媽話無婆婆, 我地去探路

120825家庭樂在滘西灣

終於到今日, 早一個月前, 我地約左大姨媽一家, 一齊慶祝婆婆生日同埋大表姐中學畢業, 踏上大學之路
可惜大姨丈要返國內教班, 大舅父一家又怕熱, 參與唔到啦

120823 七夕婆婆慶壽辰

又一年一遇七夕, 又係婆婆生日呀
婆婆今年七十三喇, 佢望落個樣唔太似, 但都開始手腳慢點了
始終都係老人家, 定律來的
今晚大細媽同婆婆出去食飯, 當然無我份, 但唔緊要啦

點左六個菜, 喻意 : 六六無窮, 歲歲平安

婆婆好滿足呢餐

在此, 我代表大細媽向祝壽

祝婆婆身體健康, 萬壽無彊

120819夏日例A好節目

上星期因攔路雨, 我地無來例A - 大浪西灣, 媽咪睇過天氣預告, 頂多係驟雨, 反正會濕身, 當然唔怕喇

又係實習時

仲有一個半月就中秋, 細媽工場就快又要開工, 佢怕放低一年會生疏, 預早安排實習下
上年311 後, 近排流傳核電幅射影響浮現, 為怕有事, 佢今年唔買日本蕃薯, 改試其他中國品種 
今年第一次, 五個中有四個漲漲似波, 好彩有一個比較好, 可能蕃薯多了點水位

120818又係例C

我今日好開心, 因為又係去例C, 仲係好明正言順咁坐小巴添
點解
因為自從我家有紅色小巴直入西貢, 我地見其他狗地都好開揚咁上車, 司機督督無拒絕, 唔似旺角小巴同專線小巴咁, 唔welcome dog dog, 一係好似偷渡咁上車, 我地無再行去采頤搭車喇

Bring you, Bring Happinese

今晚, 媽咪帶左一份包裹返來, 打開, 原來係一份好實用又精緻的心意 

Bring you, Bring Happiness

Bring your own bag, help the  environment

多謝奶茶, 多謝茶包, 多謝花之速遞

椰子油如何精采

點解細媽會買椰子油, 就係因為佢上網搜尋, 明瞭左椰子油好處, 當然進食所有食品都要適可而止啦, 以下係有關椰子油資料作參考用

椰子油如何精采
☆不會提升血中的膽固醇
☆不會令血液加濃
☆不會令人肥胖（熱量比其他油低），有助瘦身減磅
☆令皮膚嫩滑保青春不起皺紋
☆預防骨質疏鬆症
☆調整甲狀腺功能低下等健康毛病
☆預防癌症
☆增加抵抗細菌病毒的能力
☆全面提升免疫力
☆有助控制糖尿
☆提供即時活力
☆改善消化不良，有助排走宿便
☆含有豐富營養成份
☆美味清香
☆可以久存不變，無須冷藏
☆高溫煮食不會危害健康

大熱停不了

繼大熱花花世界之後, 屋企班女子, 又大熱D乜呢!! 咪就係椰子油囉!!

細媽之前睇生果日報, 見人家話椰子油好好, 日日都當普通文章睇, 睇完就算. 直到有日講到椰子油對狗地皮膚好, 佢心諗, 係咪真KA. 即刻上網研究下, 研究完後, 佢話以前明明講有益嘅橄欖油, 竟然係錯晒KA.

咁細媽就即刻行動, 去D健康食品店睇下啦, 但係人地都無入貨. 聽其他狗友講城市豬扒有得買, 但間間都唔係左近喎!! 咁點好呢.

細媽醒起. 佢有個兼職開連鎖有機食品鋪嘅同事. 就問下同事啦. 同事答話有呀, 而且我地屋企附近仲有間添, 最緊要係街坊價呀. 放工後即刻走去買喇.

即晚 , 細媽安排整麵包時, 大媽將量匙剩左嘅油俾我聞下啦! 嘩!! 不得了, 我忍唔住幫佢地洗匙呀.

媽咪話本來會係我D飯度加DD, 試下我食唔食喎. 依家唔駛喇!!


今朝佢地食包包時, 話D包有陣清香味喎!! 不過我就無得試. 正孤寒鬼來KA.