洛家靈異事件簿

月光光, 心慌慌, 過左農曆七月........我洛B都仲有野講.

話說上星期日, 細媽收完衫後, 打算將大媽D衫放番係大媽間房時, 就突然發現, 床架上有D野, 再睇真D時, 發現是些手掌痕跡. 再留心望下, 原來有5個排列整齊成八字及入字形的手印.


佢即時叫大媽來睇, 大媽又睇又摸, 發現呢D掌印, 絕對不是新的, 但之前都一直唔太覺, 而且排列又出奇地整齊, 似係有人專登印上去, 但會有邊個咁無聊呢!! 我地屋企又絕少有人到訪. 手掌形又唔似屋企嗰3個女人.


細媽嚇鬼人話, 呢5個血手印就係代表我地一家5口呀(包括細舅父)!! 一定係成日跟住大媽嗰個姐姐做KA!!

細媽你想嚇死人咩!! 咁淨番龍貓爸爸, 2隻龜, 2隻雀, 7條蠑螈, 1隻蛙, 你叫佢地點算呀. 正經D啦!!

之後呢3個女人一直苦思, 到目前由止, 掌印靈異事件依然是個謎.