110911風雨不改但又天各一方

二表姊同大姨丈去左四川參加國際野外定向比賽, 得返大表姊同大姨媽在家, 大表姊昨晚打電話來, 相約今早一齊出來Hea
半夜又雨, 起身雷暴警告, 但大姨媽佢地話佢住果邊出太陽, 一於風雨不改
但點解仲未見佢地o既
原來大表姊擺烏龍, 以為又係行獅子山, 同大姨媽講在翠竹花園獅子山公園等.....
明明媽咪話在博康村行上去的, 我地天各一方, 點好
好彩現在通訊方便, 有電話聯絡, 惟有各自各行去士多匯合

話左婆婆行得慢, 大姨媽話佢地拉長時間行.......
原來佢地最後係上回歸亭, 再接麥徑來ga....

我當然按平時一樣, 途經小溪浸下水啦........

今日比較濕, 唔會做彊屍仔

但點都要補充水份同食下雞雞, 否則點行山呀


今日見到好多生物, 又紅潮蟹......

又野生蘭花......

又有蠑螈.........


又有影唔得切的華麗草龍, 草龍, 大綠蜥蝪, BB蜥蝪.....
另外回程時, 有條中蜥蝪爬上樹枝, 大姨媽同大表姊同樣愛大自然, 當然見到好開心

今日咁轉接出來先見到表姊, 當然要影返張合照

而大姨媽就偷雞就位同佢影啦


好開心, 傻傻下又半日.....
開始有秋意, 早上有風, 頭頂又一團厚雲, 到河畔又落雨.....
計計下, 又快到我地行山季節, 媽咪好緊張, 因為佢恨左去行山, 靚景好耐呀