110918我愛老地方

秋來了, 但一早又雷暴驚告, 我地望去飛鵝山一帶都烏天黑暗, 仲諗住來到水泉澳係落雨添......
點知地面好乾爽, 仲碰到 Alan 哥哥及 Ada 姨姨添.....

呢段古道, 慢慢上山, 唔似浪茄上山路咁直及無樹蔭, 最重要有水玩呀, 如果唔係, 今夏, 我點會個個星期來晨運喎

你地見我笑住影相, 就知我幾愛呢度

行行下, 突然見孔明燈殘骸.....好彩熄左火, 否則又會引起山火.....我都唔贊成放孔明燈ga

今日有 Alan 哥哥同 Ada 姨姨導賞, 我地發現在小溪間幾條小蜥蝪BB......

另一條好隱蔽, 無 Alan 哥哥眼利, 都見唔到........

仲見分佈在香港山澗的"大綠蛙" , 無導賞員指導, 真係唔識呀......

同哥哥姨姨分手, 我地又 hea回程.......

今日唔熱, 又無太陽曬...., 我真係行得好開心......

但上來時, 無去浸身, 回程補返先.......細媽仲發現我條腰仔又纖細了, 佢話要繼續食特餐同常餐喎

落山時, 我心野要落水溪, 又發現好多蠑螈, 正名叫 : 香港瘰螈 .....

受保護ga, 唔要亂捉, 否則絕種就無得再見.........


回眸一笑呢下, 引屎大細媽咁錫我呢

呢個位係咪好面善呢
次次最後衝刺.....影相就有機會換大獎, 當然笑瞇瞇搏大獎

開心又半日.....下星期唔來呢度, 好似話寺其他地方喎, 等我有機會就八下先