110924秋高氣爽飲茶樂

入秋喇.........入秋喇.........
媽咪話呢排都可以唔好天, 又一連兩日喎, 不如去川龍飲早茶, 然後行落引水道, 去城門水塘, 咁落大雨都唔怕太狼狽
我地直接由屋企坐的士來, 都係$110, 但節省左好多時候, 反正平時佢地都好節儉, 唔緊要啦

今日呢班女子食少左, 拎左六碟, 再拎多一碗皮蛋瘦肉粥咋, 食左 $90

終於等到佢地食飽, 可以起步......

在菜田旁的村屋, 突然走出兩隻村狗來, 佢地都好友善, 但媽咪知我膽小, 驚我驚到吠爆就麻煩, 惟有抱我急走人......

西洋菜田無晒菜, 唔通要等下年

在小徑, 兩隻狗狗無跟來, 我唔怕了......

呢段路係晨運勝地, 好多人行完山去飲茶, 或者似我地咁, 飲完早茶先.....

快到村屋, 我又上 MM11, 事關會有村狗.........


到引水道, 當然唔再怕有狗啦......

今日遠足好舒服, 天陰又有風, 又唔太曬......

行行下, 有個姨姨問我地去邊, 媽咪去城門, 點知佢又話好.....於是又多個同行者

個姨姨話, 佢以前都有養狗, 今日遇見我地, 想同狗狗一齊行山, 好得意........

佢屋企人見佢未返家, 怕佢有事, 打左幾次電話來, 佢話唔得閒陪佢地, 叫佢地自己食飯或行街, 佢要行山, 唔得閒喎

如果唔係遇到我, 佢一早在其中一條小徑下左山

媽咪見姨姨一齊行, 都同佢聊天說地, 呢個女子真多野講, 而我就自顧自行, 享受清風......

行完引水道, 都係  11 點 9, 咁早走又似乎掃興 D, 就諗住行去賞蝶園一轉, 原本姨姨話走 ga, 點知佢聽到話我地唔走住, 佢又好耐無去賞蝶園果邊, 又話跟埋來 

我當然無所謂, 大人多個伴, 對我無影響ge

上次來, 個牌坊鋸左走, 現在新按左另一個.......


牌坊仲有條小壁虎添......

到賞蝶園, 我好開心呀, 有大草地跑跑.........

跑完口渴又肚餓, 飲下水, 食下雞...............正

唔去遠啦.....見到自然教育徑就回程啦, 再行, 又唔夠水, 又無預期食物, 怕中途出事

在自然教育徑, 我一見小溪就撲埋去玩, 一個 pat pat 坐低, 笑屎個姨姨.....

又見我勞力賺 more 勞費, 搞到佢鬼死咁開心

我似乎今日做左一件好事.......係逗人喜愛


到小巴站, 又剛好有車, 我地一齊上車, 在熊貓酒店附近先到姨姨分手.....大細媽都無諗過, 原來佢真係跟足我地全程呀

在熊貓酒店間餐廳午餐後, 因為無車, 我地改搭往彩虹的小巴, 在新蒲崗落車後, 女人又發揮八卦潛力, 行去 Mikiki 八......

呢間商場, 地下一層, 狗仔可以隨意進出, 上二樓以上, 只要放低 $300 按金租部狗仔車, 就可以周圍逛同 shopping, 限時係 3 小時, 退回車仔就拎返 $300, 即免費租金, 都唔錯喎.....
雖然近屋企, 但大細媽都未必會常常來, 事關 shopping 係大人開心, 細路仔在車仔發呆.......佢地都唔想我悶ga