080309東涌昂坪吊車救援徑

上月中, 表姐已經行左呢條東涌昂坪吊車救援徑喇. 其實媽咪心郁郁好耐, 上星期日, Blog友Yuki同Dee Dee又一齊行喎, 媽咪就襯未入炎夏, 趕快行呢條少樹蔭路徑ar.

我地按行山家路線行, 先由東涌市中心起步, 行上小山崗觀景亭.

再去睇東涌小炮台.

沿路入馬灣涌舊村, 村旁好多木屋建於水上, 又四周滿是紅樹林, 但d水好混濁.

跟住過橋去侯王廟, 會有路牌及好明顯石屎路往沙螺灣, 見呢個地圖, 就可以登山直入吊車救援徑.

開始今日主菜了.

起步都係石級, 我頭段都幾威ga.

嘩, 跑呀, 爽呀. 我仲成日來回路添

原來真係咁高ga

嘻嘻, 媽咪, 婆婆行快d 喇. 唔係天黑都未到呀.

快到第一個塔位.

見唔見我身後一點點呀, 係吊車來ga. 

到左有成300米高ge吊車塔.

吊車, mud你咁高ge.

過左吊車塔, 開始見木棧道, 睇落都幾特別wor.

但木板之間d隙縫好闊, 有d咁闊過我腳仔呀.

我試行慢慢行, 唔跑, 睇下自己可唔可以應付先.

唔好睇我笑晒咀, 其實我已經被絆倒多次, 個心開始怯喇.

好彩我有架專用私家車.

一到木棧道, 就可以上車坐.

終於到最徒直ge木梯, 一落一上, 細媽全程抱我, 因為我見木梯, 腳仔就軟, 唔敢行lor.

無驚無險, 又到另一個吊車中轉塔.

嘩, 吊車在頭頂擦過, 好嘈呀.

行行重行行, 今次好似行極都未到目的地ge. 好野, 終於見到大佛, 即係快行到昂坪呀.

我地見昂坪360喇.

終於行晒成條吊車救援徑, 心情開朗晒.

但今次行程, 感覺比八仙嶺仲辛苦, 我雖然間中有細媽抱, 但石級不斷, 我後勁都無晒, 無再來回跑lor.

媽咪, 我想笑ga, 但真係攰到笑唔出咋.

又係媽咪食野時間, 又係無我份, 本來媽咪打算行落山, 由羅漢寺果邊經石門甲行回東涌, 但連佢都覺今次腳軟, 婆婆同我更難行落山喇, 所以都係坐車返東涌, 去大食代食晚飯好過.

篇幅所限, 有更多相在以下網址.

http://www.flickr.com/photos/phyllis2210/sets/72157604076131572/