080228 我3歲了

霎眼間, 今日又係我3 歲生日, 雖然今日媽咪佢地唔會專誠放假陪伴我過, 但工作至上wor, 反正過兩天, 媽咪又會再同我行山慶祝ge

細媽今晚焗左個香蕉面包布丁, 買相唔錯ga

080223雨中南丫

雖然今日落雨, 但細媽又請假, 唔好浪費o麻, 去山野地方又怕滿地泥濘, 去南丫行石屎路, 下微雨都無有怕, 最多回家洗白白

080221拆利是

今年係我第3年利是, 今年都幾豐收por, 有婆婆, 大細媽, 大姨媽, 肥舅父, 悠悠同d 姨姨派俾我, 我會將餅仔及小食入肚仔, 錢錢就入豬仔錢箱, 留作買禮物送俾表姐或做善事ar

080216悠行川龍兼生日會

今日晚上又係家庭2月份之星生日會, 我地早上太空檔, 當然唔好浪費la, 早d 去川龍飲下茶, 食個飽飽先. 今次揀左去彩龍茶樓, d 人好nice ga, 叫我地上樓上雅座添.

080209初三長洲行大運

上年初二, 我行過長洲南面, 今日初三, 又再到訪長洲喇, 今次行下新路, 向北前進.

080208山頂初二行大運

今日初二開年日, 我約埋Yo Yo妹妹一齊上山頂行大運, 本來仲有其他朋友仔ga, 可惜佢地爸媽有事, 臨時甩底lor

080207初一行大運(東涌/昂坪)

今日係大年初一, 又係行大運日子, 媽咪揀左由東涌行上昂坪大佛. 佢地以前都行過好多次, 但我來左之後, 因為唔知點帶我去東涌, 一直擱置呢個行程咋今日終於實踐行動. 先由消防局警署行去逸東村.

沼東涌道行柏油路入石門甲.

恭賀新禧

祝大家

080206逛花市

今日係年三十晚, 媽咪同婆婆慣例都會行花市, 我今年係第3 次行喇. 其實我都好悶,又唔可以落地, 因為媽咪怕我俾人踢到同踩親lor

080202團年飯

上星期六, 大姨媽及肥舅父兩家人都回來娘家齊吃團年飯, 本來媽咪想請大家去西貢行下, 再食海鮮, 但一連幾天及當日全天下雨, 咁改移返我地屋企, 簡簡單單咁10 下10下lor          

嘩, 成枱野食, 我揀下邊樣yummy yummy先

嚴寒的冬季

冷得我騰騰震, 日日都係得10度

早上, 媽咪要返工, 我無法子, 只好一瑟而睡在士多啤梨房, 但夜晚, 我僅係坐回細媽溫暖大脾, 蓋上毛氈喇, 仲有晚飯時段, 我都唔會離開我o既人肉梳化o架