071104甲龍古道/雷公田/河背漫遊

上星期六, 媽咪無頭緒o係星期日去邊好, 於是八卦問下表姐, 原來佢地在大帽山郊野公園有比賽, 媽咪就拍板去果度, 順便探下班.

因為大姨媽未到出發時間比賽, 佢就帶我地行下大帽山遠足研習徑學下野por.


遠足研習徑入口設於大帽山扶輪公園,  設於大帽山麓, 該徑全長一公里，難度不高，即使沒有特別裝備，或是小童而有成人陪同，都有能力走畢全程，沿途設有站點及解說牌，透過活動認識遠足安全須要注意的事項.

行完研習徑, 大姨媽同二表姐係時候準備去出發點出發比賽, 剛好大表姐比賽完回來, 事後我仲知佢拿到該組比賽冠軍添呀.

大表姐見有時間, 就帶我地行去今次行程出發點添.

媽咪選擇由甲龍古道起步

甲龍古道沿大帽山西面山坡的一條山徑蜿蜒而行，起點在荃錦公路最高處郊野公園管理站鄰近的巴士站，終點則在甲龍的引水道面對雷公田村。

該古道全長約兩公里，步行約一小時，是古時八鄉石崗一帶務農人士往來荃灣市集必經之路，穿過大欖郊野公園的樹林區及數條小溪。其中有幾段路的坡度頗為峻峭，因此，只宜穿備行山鞋來此步行。沿途多段由石塊砌建的小徑，是前人就地取材精心築成，踏步其中充分體驗當時務農人士的生活點滴。

古道兩旁林木參天，野生動物雀鳥影蹤隨處可見，初段豎立了彩色傳意牌介紹林區內的生態和環境特色，是短途旅程的上佳之選。

甲龍古道是被候選為5大賞蝶好去處之一，不妨為賞蝶而走一趟。可惜媽咪個相機仲有未整好,  見佢對住四周飛舞蝴蝶, 大叫: 我唔制ar

甲龍古道全程落差約四百米，主要由泥路與石塊路組成。

古道沿河谷而建，水源充足，植物多樣性高，當中不少是原生品種，吸引蝴蝶棲息和覓食。

沿路都經過幾條小溪小水瀑, 就係又影相, 人家行一小時, 我地又用多倍時間行

全程有樹蔭, 唔怕俾猛烈陽光曬傷o架.

終於行畢了.

但我就痴晒痴頭芒種子, 拮屎我呀

因甲龍古道只有兩公里路程，媽咪選擇再多走至河背。

但首先就係去雷公田牛奶農場醫肚喎.

我又想試埋薑汁撞奶同芒果布甸喎

好香呀.

沿古道下坡，再沿引水道走約十分鐘可見「生態園」，裡面有大量蜜源植物吸引很多蝴蝶到訪，亦是觀蝶的理想地。 但我地無行入去「生態園」.

經過一段長的引水道，往清潭上下灌溉水塘。

 

上下清潭水塘的水是用作灌溉之用，環境美麗。

媽咪又利用小畫家合併相, 將整個錦田平原整合一起, 個平原真係好大.

過清潭上下灌溉水塘，達交匯處，就可以下行河背村，要留意警告牌，然後接另一石屎路下河背村。媽咪就係唔記得睇地圖, 差點一直行左去大欖涌水塘呀.

其實媽咪都係跟人家行過路線行, 前段落山, 後段行引水道, 今次唔太辛苦o架

以下有更多有關相片, 歡迎瀏覽http://www.flickr.com/photos/phyllis2210/sets/72157602903467862/