200822覆診日及午餐

又到覆診日, 上磅 5.7 kgs, 食左早餐, 未消化囉. 先見醫生, 再抽血驗.

醫生問我最近漏尿情況, 媽咪有留意到, 我在熟睡先會有尿滲. 醫生話情況持續係咁, 都多數係年紀大, 膀胱括約肌鬆弛居多. 下次覆診先再驗尿.

等呀等, 報告出, 入去見醫生聽報告.

HCT仍未升到正常水平, 但穩定左, 停左幾日抗生素都無跌, 其他指數都可以, 可以停藥了.

但要留意尿色同精神狀況, 如果見有牛蜱熱翻發, 馬上返診所覆診.

腎指數( CREA) 稍高, 但暫時無大礙, Keep住食腎益生菌.
肝指數 (ALKP) 一路回降左好多, 由最初發現有牛蜱熱復發 747 U/L 下降到 257 U/L. 繼續食肝膽藥 (Urso).
兩個月後先返來覆診, 暫時配Urso 同補血汁到 10 月初, 到時打電話配藥.
13/10 剛好夠時間打預防針同續牌呀.


情況滿意, 就返屋企新飯堂食午餐.


細媽, 你杯特飲好大杯呀.

其實杯特飲係媽咪份餐包埋, 佢話 WFH 成星期, 好想飲凍奶茶, 要迫細媽要左杯特飲 XD

而我只可以食雞乾, 因為細媽忘記左叫雞蛋仔套餐囉.

唔可以漏婆婆, 我地繼續做外賣仔, 今次唔俾飯婆婆食. 

婆婆, 帆立貝沙律套餐, 好唔好味呢 ^^