昨晚 20:14 , 熱帶氣旋森克拉一跳就掛三號風信號, 都驚今早覆診橫風橫雨, 好彩, 我地出門時, 都停左雨, 未到開門時間, 我地在診所外等都唔驚.
登記磅重: 5.7 kgs.
因為陳醫生上次見過我, 所以今早先抽血, 但可能姐姐知我會在入邊叫, 抽完血就要我戴埋頭罩出來, 咁我就可以安靜D.
醫生話今次HCT比上次升左D, 雖然無達標, 但都算理想. 始終我割左脾臟, 焦蟲無位藏身, 只要我抗拒力好, 咁應可共存. Clindamycin 150mg 最多只可食 6 星期, 已經快食左 4 星期, 醫生先配多兩星期加胃藥, 再停藥一星期後, 返去覆診. 而 Urso 是肝臟藥物, 配多兩星期俾我. 其餘維他命B/補腎益生菌(Azodyl)/zodyl)/補血水都係屬保健食品, 按整包買會平D.
媽咪問醫生, 我算唔算肥, 因我回復返無割脾時的磅數. 醫生話我係適中偏少少肥, 以我年紀, 醫生唔建議太瘦, 仍可以摸到肋骨同背脊骨就剛好, 有少少肥比較好, 如果身體有毛病, 會多點體力去擋.
另外, 醫生話太多藥物, 下次帶返D藥來, 數下數, 下次整理下再配, 哈哈.
我地回家先收好藥物, 再到附近新食堂食午飯, 疫情下, 一檯兩人, 其實客唔多, 好多外賣, 我地就外賣俾婆婆.
回家再安頓好, 我要補眠了.
沒有留言:
張貼留言